சாமான்யன்

31.07.2008 இன்றைய பங்குத்தகவல்

2008-07-31T15:20:00.001+05:30

பங்கு சந்தையைப் பாதிக்கக்கூடிய உள்நாட்டுக்காரணிகள் பெரியதாய் எதுவும் இல்லை. பணவீக்கமும் 12 சதவீதத்துக்கு அருகில்தான் இருக்கு. முந்தாநாள் நடந்த மத்திய ரிசர்வ் வங்கி வட்டிவீதம் உயர்வு, சி.ஆர்.ஆர் உயர்வு போன்றவை கடந்த 2 மாதமாவே எதிர்பார்த்ததுதான். அதற்க்குச் சந்தை இப்படி பெரிய எதிர்வினை(சென்செக்ஸ் 500 புள்ளிகளுக்கு மேல் குறைவு) செய்யும் என்று எதிர்பார்க்கவில்லை. வியாபாரிகள் "ஷார்ட் செல்" பண்ணியிருக்காங்க போல. நேத்து அதற்க்கு "கவர்" செய்ததால் சென்செக்ஸ் 497 புள்ளிகள் உயர்ந்ததாம்.

இப்போது உள்ள சூழ்நிலையில் ஏற்கனவே வாங்கியிருந்த பங்குகளை குறைந்த விலையில் நஷ்டத்துக்காக என்றாலும் விற்றுவிட்டு வெளியே வருவதுதான் புத்திசாலித்தனம்போல இருக்கு.

ஏதாவது நல்ல பங்கு திடீரெனென்று மிகக் குறைந்த விலைக்குக் கிடைத்தால் வாங்கி சில நாட்கள் வைத்திருந்து பார்கலாம். நேற்று முந்தினம் சன் டிவி சுமார் 15 சதவீதம் குறைந்து ரூ.330 என்ற அளவில் கிடைத்தது.

கேர்ன் போன்ற பெட்ரோலியப் பங்குகள் குறைந்த விலைக்குக் கிடைக்கும்போது வாங்கி வைக்கலாம்.

08.07.2008 இன்றைய பங்குத்தகவல்

2008-07-08T19:01:00.002+05:30

சென்செக்ஸ் 12500,12000வரை போகுமாம். அதனால கொஞ்ச கொஞ்சமா பங்குகளை, முக்கியமா ஏ குரூப் பங்குகளை வாங்கணுமாம்.சந்தை மேலேறும்போது லாபம் வருமாம். என்னைத்த வாங்கறது? ஏற்க்கனவே எல்லாத்தையும் வாங்கியாச்சு. அப்ப சந்தை மேலேறும்வரை பார்த்திட்டு இருக்க வேண்டியதுதான்.

சந்தையை மேலேற்றுவதற்க்கான வலுவான காரணம் ஓண்ணும் இப்போ இல்ல. வெளிநாட்டு முதலீட்டாளர்கள் தினமும் விற்றுக் கொண்டிருக்கிறார்கள். சென்செக்ஸ் 13000க்கு கீழே இறங்கும்போது உள்/வெளிநாடு முதலீட்டாளர்கள் கொஞ்சம் வாங்குறாங்க. அமெரிக்க "டோ ஜோன்ஸ்" 10,000ஐ தொடும்னு பயம் காட்றாங்க. கச்சா எண்ணெய் இப்பத்தான் பீப்பாய்க்கு 141 டாலருக்கு வந்திருக்கு.சர்வதேச பங்குச் சந்தையில அடி வாங்கினவங்கள்ளாம் கமாடிடி(கச்சா எண்ணை)க்கு போய்ட்டாங்களாம். அப்போ சர்வதேச கமாடிடி சந்தைக்கு ஒரு அடி இருக்குன்னு சொல்றாங்க கச்சா எண்ணை பீப்பாய்க்கு 100 டலருக்கு வந்து நிற்க்குமாம். வரும் 10ஆம் தேதி அளவில் இன்ஃபோசிஸ் காலாண்டு முடிவ அறிவிக்க ஆரம்பிச்சதும் சந்தை மேலேரலாம்னு சொல்றாங்க. இந்தியா கம்பெனிகள் "நல்ல ஆரோக்கியமா" - அடிப்படை வலுவா இருக்கறதால ஒண்ணும் கவலைப்பட வேண்டாமாம். அதான், ஸ்டீல் போன்ற பொருட்களின் விலையை கன்னா பின்னானு ஏத்திடுறாங்களே(ஸ்டீல் விலை 3 மாதத்தில் டன்னுக்கு விலை ரூ.30,000 லிருந்து ரூ.45000/50000ஆ ஏத்திட்டாங்களாம்). பிறகு கம்பெனிகளுக்கு எப்படி லாபம் குறையும்?

என் நண்பரொருவர் தரகு வலைத்தளத்தில் லாகின் செய்ய முயன்றார். அவருக்கு தன் பாஸ்வோர்ட் மறந்துவிட்டது. உடனே அருகிலிருந்த மற்றொரு நண்பர் இன்று "பிஸினஸ் லைனில்" வந்த ஜோக்கை காண்பித்து சிரித்தார். அந்த ஜோக் "திரு.ராவ்தான் மிகச் சிறந்த முதலீட்டாளர். ஏனென்றால்,அவர்தான் தன் தரகு வலைத்தளத்தில் தன்னோட பாஸ்வோர்டை மறந்து விட்டார்" =)))

10.06.2008 இன்றைய பங்குத்தகவல்

2008-06-10T19:12:00.001+05:30

வாசகர்களின் வேண்டுகோளுக்கிணங்க(அந்த அப்பாவி யாருன்னு பின்னூட்டத்தில தெரிஞ்சுக்குங்கோ) அப்பப்போ ஏதாவது கிறுக்கலாம்னு இருக்கேன்.

நேத்து சென்செக்ஸ் 500 புள்ளிகளுக்குமேல குறைஞ்சதால இன்னைக்கு அது கொஞ்சம் மேலேறும்னு நினைச்சேன்.(நீ என்னைக்கு நினைச்சு அது சரியா வந்துருக்கு?)

சென்செக்ஸ் 14000 வரை கீழே போகுமாம்.(அப்புறம் 12000 வரை போகும்,அப்புறம் 10000, அப்புறம் 8000. எப்போ பூஜ்யம் வரும்?)

ரியல் எஸ்டேட் பங்குகளேல்லாம் வெளியீட்டு விலைக்கு கீழே இருக்குது. அதனால, அந்த பங்கையெல்லாம் இப்போதிருந்தே வாங்கி சேர்க்க ஆரம்பிக்கலாமாம்(அதுதான் கையிருப்பில் உள்ள எல்லா பணத்துக்கும் வாங்கி முடிச்சாச்சே. அப்புறம் எங்கே வாங்கறது?)

இன்னும் 2 வாரத்துல மழைக்காலம் ஆரம்பிக்குமாம்(இப்படித்தான் 10 நாளா சொல்லிட்டு இருக்காங்க). அப்போது சென்செக்ஸ் மேலே எற ஆரம்பிக்குமாம்.

கச்சா என்ணெய் ஒரு பீப்பாய் 137 டாலருக்கு மேல பறக்கிறதால என்ணெய் சுத்திகரிப்பு நிறுவனப் பங்குகள் குறைந்த விலைக்கு வரும்போது வாங்கலாம்னு இருக்கேன்.

11.04.2008 இன்றைய பங்குத்தகவல்

2008-04-11T20:03:00.003+05:30

பங்குச்சந்தை அப்பப்ப 100/200 புள்ளிகள் அதிகரிக்கறதும், பின் அதே அளவு குறையறதுமா இருக்கு.
கேர்ன் எனர்ஜி

சென்ற வருடம் ஐபிஓ-வில் ரூ.160க்கு வாங்கினேன். பின் ரூ.145க்கு சராசரியாக்கினேன். இவ்வருடம் ரூ.200க்கு சில காரணங்களால் பிப்ரவரியில் விற்றேன். மறுபடியும் அதே விலைக்கு வராதா என காத்திருந்தேன்.சென்ற மாதம் 24ஆம் தேதி ரூ.195க்கு கிடைத்தது.இப்போது அதன் விலை ரூ.250

பி ஹைச் யி எல்(BHEL)

சென்ற வாரம் 3 நாட்களில் சுமார் ரூ.400 குறைந்தாது.என் நண்பர்கள் சிலர் ரூ.1700க்கு வாங்கினார்கள். எனக்கு ரூ.1870க்கு கிடைத்தது(அவரசக்குடுக்கை !!!). இப்போது அதன் விலை ரூ.1829

சந்தையில் குறிப்பிட்ட பங்கு 2,3 நாள் குறைந்து வரும்வரை பொறுத்திருந்து வாங்கினால் லாபம் கிடைக்கும். அடிப்படையில் வலுவான பங்காக இருக்கும்பட்சத்தில், இப்போது விலை கூடாவிட்டாலும் பின்னால் கூடும் என்று எதிர்பார்க்க வேண்டியதுதான்.

13.03.2008 இன்றைய பங்குத்தகவல்

2008-03-13T12:16:00.002+05:30

சென்ற வாரம் சுமார் 1850 புள்ளிகள் சென்செக்ஸ் குறைந்தது.அதனால், இந்த வாரம் 10,11,12 தேதிகளில் புள்ளிகள் உயர்ந்து இன்று 13ஆம் தேதி விழும் என்று சொல்லியிருந்தாங்க. இது ஏதோ டெக்னிகல் பவுன்ஸாம். சொன்ன மாதிரியே நேற்று 12:30 மணியிலிருந்து விழ ஆரம்பித்தது.10ஆம் தேதி காலையில் சுமார் 550 புள்ளிவரை குறைந்தது. பி-நோட் பற்றிய வதந்தியால் அது மேலேற ஆரம்பித்தது.

என் நண்பர் ஒருத்தர் சென்ஸெக்ஸ் 12000 வரும்வரை காத்திருக்கப்போவதாகவும் அதன் பங்குகளை வாங்கபோவதாகவும் சொல்றார்.

ஜிண்டால் ஸ்டீல் & பவர்

சென்ற வெள்ளியன்று சரியாக ரூ.2000க்கு வாங்கினேன். நேற்று ரூ.2170க்கு விற்றேன். சுமார் 7% லாபம். சந்தை ஒரு நிலைக்கு(stabilise) வர்ர வரை இப்படி ட்ரேட் பண்ணிக்க வேண்டியதுதான்.

கேர்ன் எனர்ஜி

இந்த நிலையிலேயும் நேற்று அதன் அதிகபட்ச அளவான ரூ.252ஐ தொட்டது. ரூ.200க்கு வந்தால் வாங்கலாம் என்றிருக்கிரேன்.

27.02.2008 இன்றைய பங்குத் தகவல்

2008-02-27T13:13:00.001+05:30

நேத்து ரயில்வே பட்ஜெட்னால சென்சென்க்ஸ் அதிகமாச்சாம். ஆனால்,வெள்ளிக்கிழமை தாக்கலாகபோற பட்ஜெட்னால, கம்பெனிகள் மகிழ்ச்சியடையும்படி ஒண்ணும் இருக்காதாம். இந்த பட்ஜெட் வரப்போர நாடாளுமன்ற தேர்தல மனசுல வச்சு தயாரிக்கப்படுமாம். அதனால், பங்குச்சந்தைக்கு வெளிநாட்டு முதலீடு அதிக அளவில் வராதாம். அதனால, பங்குச் சந்தை இப்போதைக்கு உயர்ரதுக்கு வாய்ப்புள்ளயாம்.

ஜனவரில வெளிநாட்டு முதலீட்டாளர்கள் சுமார் ரூ.17000 கோடிக்கு பங்கை வித்தாங்களாம். பிப்ரவரில ரூ.5000 கோடிக்கு வாங்கி "சராசரி" செய்தாங்களாம்.

இந்த வருடம் 2008ல "தனியார் ஈக்விடி"(Private Equity) செஞ்ச முதலீட்ல 30 சதவீதத்துக்குமேல நஷ்டம் ஆயிடுச்சாம்.

எந்தப்பத்திரிக்கைய எடுத்தாலும் சென்செக்ஸ் 16000க்கு பக்கத்துல வரும்னு சொல்ராங்க. அது அப்படி வருமோ வராதோ, இந்த மாதிரி செய்திகளப் படிச்சுட்டு சில்லறை முதலீட்டாளர்கள் எல்லாரும் விக்க ஆரம்பிப்பாங்க. அப்ப சென்செக்ஸ் 16,000க்கு வந்துடும் ==)))

21.02.2008 இன்றைய பங்குத் தகவல்

2008-02-21T13:46:00.000+05:30

இன்னும் ரெண்டு,மூணு நாளைக்கு நிஃப்டி 4950/5000(சப்போர்ட் லெவெல்) போகும்வரைக்கும் பங்குச்சந்தை இப்படியேத்தான் போகுமாம். அடுத்த வியாழனுக்கு முன்பு, F&Oக்கு இந்த மாத முடிவு தேதிக்கு முன்பு, ஷார்ட் கவரிங் இருக்குமாம்.

ரிஸ்க் எடுக்க முடிந்தவர்கள் தின வர்த்தகம், ஸ்விங் ட்ரேட் செய்து பார்க்கலாம்.

உங்களுக்குத்தெரிந்த பங்கு, நீங்கள் எதிர்பார்த்த, மிகக் குறைந்த விலையில் கிடைக்கும்போது, வாங்கி 3,5 நாட்கள் பொறுத்திருந்து சுமார் 5%,10% லாபம் என்று கிடைக்கும்போது விற்று விட்டு வெளியேறி விடலாம்.

18.02.2008 இன்றைய பங்குத் தகவல்

2008-02-18T12:58:00.004+05:30

சென்செக்ஸ் 19000க்கு மேல போனாதான் "புல் ரன்"ன்னு சொல்ராங்க. கடந்த 12ம் தேதி சென்செக்ஸ் சுமார் 900 புள்ளிகள் விழுந்ததுக்கு யாரோ வேண்மின்னே செய்த காரியம்னு தெரியுது. அனில் அம்பானியின் ரிலையன்ஸ் பவர் பட்டியல் செய்றப்போ, வேணுமின்னே அவரோட குழு கம்பெனிகளின் பங்கு விலையை வேணுமின்னே குறைச்சிருக்காங்கண்ணும் அத விசாரிக்கணுமின்னும் அனில் "செபி(SEBI)"க்கு ஓலை கொடுத்திருக்கார்.

ரிலையன்ஸ் பவர் பங்கு பட்டியலிடப்பட்டபின் முதலீட்டாளர் அடைந்த நட்டத்த ஈடு கட்ட போனஸ் பங்கு கொடுக்கப் போராங்களாம். ரிலையன்ஸோட பவரோட விலை அதிகம்னு இப்ப சொல்ராங்க. இன்னும் கொஞ்ச நாள்ல அதனோட விலை ரூ.250 - 300 என்று வருமாம்.

2007 டிசம்பர் மாதத்துடன் முடிந்த 1 வருட வளர்ச்சி, கம்பெனிகளின் வளர்ச்சி, 2006வுடன் ஓப்பிடுபோது அவ்ளோ சிறப்பா இல்லையாம். இருந்தாலும் மத்த நாடுகளோட ஓப்பிடும்போது வளர்ச்சி நல்லாத்தான் இருக்குமாம்.

சிமெண்ட் துறை : சிமெண்ட் துறை 2006ல் சுமார் 200 சதவீதத்துக்கும்மேல் வளர்ச்சியடந்தது. ஆனால், அது 2007 வெறும் 6.12 சதவீதம்தான் வளர்ச்சியடைந்துள்ளது.

ஸ்டீல் துறை: ஸ்டீல் துறை நல்ல வளர்ச்சியைக் காணுமாம்.

ஜிண்டால் ஸ்டீல் & பவர் : 13ஆம் தேதி ரூ.2134க்கு வாங்கினேன். கிட்டதட்ட 11 சதவீதம் லாபம். 5:1 என்று பங்கு பிரிப்புக்கு முன் அது 15500 என்று போனதாக ஞாபகம். அது ரூ.2700 வரை வந்தா வித்துரலாம்னு இருக்கேன்.

13.02.2008 இன்றைய பங்குத் தகவல்

2008-02-13T18:22:00.006+05:30

பங்குச் சந்தை கரடியின் ஆதிக்கத்தில் போய்ட்டிருக்கிறதா கிட்டத்தட்ட எல்லா பங்கு நிபுணர்களூம் அபிப்ராயப்படுராங்க. பங்குச் சம்பந்தமான வலைத்தளங்கள், வணிக டிவி சேனல்ல வர்ரவங்க எல்லாரும் இப்படித்தான் அபிப்ராயப்படுராங்க.

நிஃப்டி குறீயிடு 200 நாட்கள் நகரும் சராசரி(Moving Average)யை விட குறைந்துபோய்ட்டதாம். அதாவது, நிஃப்டி குறியீடு 5000 தாண்டினால் பங்குச் சந்தை மேலேறுமாம். அது 5000 க்கு கீழே தொடர்ந்து 1 மாதத்துக்கு இருந்தால் அது கட்டாயமா கரடிச் சந்தைதானாம்.

சந்தையில் இப்போ குறியீட்டுப் புள்ளிகள் 200,400னு அதிகரித்தால்கூட பங்கு வணிகத்தின் மதிப்பு(volume) மிகக் குறைவுதானாம். அதுனால, புள்ளிகள் அதிகரிப்பு ஒரு செயற்கையான் அதிகரிப்புதானாம். அதாவது, சந்தை மேலேறுவதற்க்கு இன்னும் கொஞ்ச காலமாகுமாம்.
அலுவலகத்தில் என் பக்கத்து இருக்கையிலிருப்பவர் நாள் முழுவதும் சந்தை/பங்குகளின் போக்கை அவதானிப்பதோடு, மற்ற பங்குச் சந்தை நண்பர்களோடு சாட்(chat), மின்னஞ்சல் மூலமா தொடர்பு கொண்டபடி இருப்பார்.

அவருடைய நணபர், ஏதோ பங்கு வணிகரோட அலுவலகத்தில் இருக்காராம். அவர் உறுதியா சொல்ராராம், சென்செக்ஸ் 12000க்கு கட்டாயமா போகுமாம்.

மேற்கூறிய எல்லா விவரங்களையும் சீர்தூக்கிப் பார்த்தா, நட்டம் வந்தாலும் பரவாயில்ல, இப்போ பங்குச் சந்தையை விட்டு வெளியேறிவிடுவதுதான் உத்தமம் என்று எண்ணி ஒரு பங்கைத்தவிர, எல்லா பங்குகளையும் நேற்றே விற்று விட்டேன். ஒரு பங்கை நேற்று விற்க்க முடியவில்லை. ஏனெனில், அது Lower Circitல் இருந்தது. நல்ல வேளையாக இன்னைக்கு விற்றுவிட்டேன். அதன் பின்தான் மனசுக்கும் நிம்மதியாச்சு.

நாம வித்தாதான் நம்ம வித்த பங்குகள் எல்லாம் உடனே மேலேறிடுமே =)). இன்று காலையில் சென்செக்ஸ் 450 புள்ளிகளுக்குமேல் உயர்ந்தது. பின் 200 புள்ளி அளவில் குறைந்து, சுமார் 400 புள்ளி அளவில் உயர்ந்து முடிவடைந்தது.

12.02.2008 இன்றைய பங்குத் தகவல்

2008-02-12T16:57:00.002+05:30

பங்குச் சந்தையில் சுனாமி
சுனாமி அடிச்சப்ப எப்படி இருந்திருக்கும்னு இப்போ நல்லா புரியுது. அந்த சமயத்தில் அப்படி தப்பிப் பிழைச்சவன்கிட்ட எப்டி இருக்கன்னு கேட்டா எப்படி இருக்கும்? அது மாதிரி இருக்கு நம்ம நிலைமை. சாதாரணமா ஒரு 2,3 நாள் பங்குச் சந்தைல புள்ளிகள் குறையும், பின் மேலேறும்.

ஆனா, இப்ப இறங்கற சென்செக்ஸ் புள்ளிகள், நிக்காம பாதாளத்துக்குப் போய்ட்டு இருக்கற மாதிரி தெரியுது.

ஒரு மாசத்துக்குமுன் சென்செக்ஸ் மேலே போனப்ப, அது 25000 போகும்னு சொன்ன அதே பங்குச்சந்தை வல்லுனர்கள் இப்பொ அது 15000 இல்ல 12500 போகும்னு சொல்ல ஆரம்பிசுட்டாங்க.

அன்னிய நிதி நிறுவன முதலீட்டாளர்கள் பணத்தை வேக வேகமா பங்குச் சந்தையிலிருந்து எடுக்க ஆரம்பிச்சுட்டாங்க. அவங்க திரும்ப வந்து பணத்தைப் போடறவரைக்கும் சந்தை இப்படித்தன் போகும்போல. மத்திய அரசு பட்ஜெட்ட தாக்கல் செஞ்சப்புரம், சந்தை நல்லா இருக்கும்னு சொல்ராங்க.

கடந்த 2,3 மாசமா வாங்கிய பங்குகள் எல்லாம் 30,40,50 சதவீதம்னு மதிப்பு குறைஞ்சிருக்கு. இதே வேகத்தில போனா அப்புரம் பங்கு அதனோட முகமதிப்பு(சாதாரணமா ரூ.10)க்கு வந்திரும்போல. அப்படி வாங்கின பங்குகளை அப்படியே விட்டுவச்சுட்டு, அது இன்னும் 2,3,6 மாதம் கழித்து பழைய விலைக்கு வரும்னு இருந்துரலாம். இல்ல, இந்த நஷ்டம் போதும்னு நஷ்டத்துக்கே வித்துட்டு, இன்னும் நல்ல விலை வரும்வரை காத்திருக்கலாம்.

இந்த மாதிரி நிச்சயமில்லாத சந்தையில டிரேட் செய்யாம இருக்கரதே ஒரு டிரேட்னு ஒருத்தர் வணிக டிவி சேனலில் சொன்ன மாதிரி, ஒண்ணும் வாங்காம/விக்காம இருந்திரலாம்போல.

கேர்ன் எனர்ஜி:
இந்த வீழ்ச்சியிலயும் கேர்ன் எனர்ஜி இன்னைக்கு 4 சத வீதம் கூடிச்சு. இந்தப் பங்கு மேல போனாலும் நிதானமா போகுது. கீழ இறங்குனாலும் நிதானமா இறங்குது. இப்போ இதன் விலை ரூ.200. சந்தை இறங்குரப்ப 180 - 190 அளவுல நான் இப்பங்கை வாங்கலாம்னு இருக்கேன்.

08.01.2008 இன்றைய பங்குத் தகவல்

2008-02-08T17:33:00.000+05:30

வர்ர திங்களன்று ரிலயைன்ஸ் பவர் பங்குச் சந்தையில பட்டியலாறதுனால, திங்களன்று சந்தை மேலேறும்னு எதிர்பார்ப்பு இருக்கு. பொறுத்திரு பார்ப்போம், என்ன நடக்குதுன்னு

முதலீட்டுக்குரு வாரன் பஃபட்டின் பெர்க்ஷயர் நிறுவனக்கள்(மொத்தத் தொழிலாளர்கள் 2,20,000) கடந்த வருடம் ஜனவரில இருந்து செப்டம்பர் வரைக்கும் 90.2 பில்லியன் டாலர் வருமானமும், அதிலிருந்து 10.27 பில்லியன் டாலர் லாபமும் கிடைத்ததாம். அதாவது, முதலீட்டில் 15 சதவீதம் லாபம். நாம என்னடான்னா இன்னைக்கு ரூ.10 ஆயிரம் பங்கில் போட்டுட்டு அடுத்த வார/மாதமே அது இரட்டிப்பாகுமான்னு பார்க்கோம்.

05.01.2008 பரஸ்பர நிதி

2008-02-05T15:27:00.000+05:30

நம்ம ஆளுங்க பங்குச் சந்தையிலோ, பரஸ்பர நிதியிலோ எதையாவது வாங்கிட வேண்டியது. அப்ப பார்க்க பங்குச்சந்தை குப்புர விழும். அப்புரம், வருத்தப்பட்டு என்ன பிரயோசனம். இங்க பாருங்க டயலாக்க.

2007 டிசம்பர் மாத இறுதியில் ரொம்பவும் பிஸியான (அதாவது, மின்னஞசல் அனுப்பினா அதில விஷயம் இல்லைனா பதிலெல்லாம் போட மாட்டார்) நண்பர் எனக்கு போன் செய்தார். அவருக்கு பங்குகள்/பரஸ்பர நிதி போன்ரவற்றில் நாட்டம் கிடையாது. ரியல் எஸ்டேட்தான் அவருடைய குறி.

நண்பர் : சிவா, கையில கொஞ்சம் பணம் இருக்கு.பரஸ்பர நிதியில போடலாம்னு இருக்கேன். 1 வருடம் கழித்து பணத்தை எடுத்திடுவேன்.

நான் : வங்கி வைப்பு நிதில போடு. பரஸ்பர நிதில போடனும்னா கடன்சார்ந்த நிதில 8 லிருந்து 10 சதம்வரை லாபம் கிடைக்கும். பரஸ்பர நிதில கிடைக்கற டிவிடெண்ட்க்கு வருமான வரி கிடையாது.

நண்பர் : அதுக்கு பேசாம நான் வங்கி வைப்பு நிதிலேயே போட்ருவேனே.

நான் : ஹைப்ரிட் பங்குகள்ள போட்டா 15 சதம் வரை லாபம் கிடைக்கும்.

நண்பர் : இந்த பாலன்ஸ் பண்ட்....

நான் : உனக்கெப்படி இதெல்லாம் தெரியும்?

நண்பர் : நான் வங்கியில் வைப்பு நிதியில போடச் சென்றேன். அங்கிருந்த ஒருவர் பேலன்ஸ் ஃபண்டில் போடச்சொன்னார். வருடத்துக்கு 60 சதம்வரை பரஸ்பர நிதில லாபம் கிடைக்கும்.

நான் : ஏன் 60 சதம், 140 சதவீதம் லாபம் தர்ர நிதியெல்லாம் இருக்கு.

நண்பர்:பரஸ்பர நிதில போட்டா, முதலுக்கு ஒண்ணும் மோசம் இல்லயே? லாபம் வேணா குறையும். அப்படித்தானே?

நான் : அப்டின்னு உனக்கு யார் சொன்னது? பரஸ்பர நிதி பணத்தைக் கொண்டுபோய் பங்குச் சந்தைலதான போடப்போரான். பின் எப்படி நீ செய்யும் முதலீடு குறயாமல் இருக்கும்?

நண்பர் : அப்படின்னு அவந்தான்(வங்கியில் சந்தித்த நபர்) சொன்னான்.

நான் : சரி, நீ உன் கையில் உள்ள பணத்தை, பரஸ்பர நிதில போட்டுத்தான் ஆகணும்னா, ஒரு 5 நாள் பொறு . நான் ஊருக்குத் திரும்பி வந்ததும் என்னன்ன பேலன்ஸ்ட் ஃபண்டு இருக்குன்னு, அதற்க்குன்னு உள்ள வலைத்தளத்தைப் பார்த்து சொல்ரேன்.

இரண்டு நாள் கழித்து(01.01.2008) அதே நண்பரிடமிருந்து ஃபோன்.

நண்பர் : பணத்தை பேலன்ஸ்ட் நிதில போட்டுட்டேன்.

நான் : விண்ணப்ப படிவம்லாம் எங்க வாங்கினே?

நண்பர் : ஏற்க்கனவே சொன்னேனே.(வங்கில பார்த்த நண்பர்) அவந்தான் எல்லாம் கொடுத்தான்.

அந்தப்பணத்தை எதிலும் முதலீடு செய்யாமல் பல மாதங்களாக அப்படியே வைத்திருந்தேன்.

நான் : அப்படினாச் சரிதான். முடிஞ்சா எந்தந்த நிதில் போட்ருகேன்னு விவரமா சொல்லு. அவசரம் இல்ல. மெதுவா சொல்லு. நான் அவதானித்து அதுல எவ்ளோ லாபம் / நஷ்டம்னு சொல்ரேன்.

(மனதுக்குள்) இவ்ளோ நாள் பொறுத்தவன் இன்னும் ஒரு 4 நாள் பொறுக்கக்கூடாது?. இன்னும் 4 நாட்களில் பரஸ்பர நிதியில முதலீடு செய்தால் பிடிக்கப்படும் ந்ழைவுக்கட்டணம்(சும்மார் 2.5%) கிடையாது. அதெல்லாம் இவனுக்குத்தெரியாது. சொன்னாலும், அவனுக்கும் மனசு ரொம்ப கஷ்டப்படும்.

10 நாள்கள் கழித்து நண்பருக்கு ஃபோன் செய்தால் ஒரு பதிலும் இல்லை. சரி, மின்னஞ்சல் அனுப்பினால் , தான் அமெரிக்காவில் இருப்பதாக பதில்.

நான்(மனசுக்குள்) : நண்பன் அமெரிக்கவிலிருந்து வருவதற்க்குள் எப்படியும் 1 மாதம் ஆகும். அதற்க்குல்ல பங்குச்சந்தை பழயபடிக்கு மேல வந்திடும். அப்போ, அவருடைய ஃபோர்ட்போலியோ எவ்ளொ லாபம்/நஷ்டம்னு பார்த்து நண்பர்ட்ட சொன்ன போதும். அவருக்கு மனசுக்கு கஷ்டம் இருக்காது.

23 - ஜனவரி - 2008ல் நண்பர்னிடமுத்து ஃபோன்.

நான் : என்ன,அதுக்குள்ளாறவா திரும்ம்பிட்டே?

நண்பன் :ஆமாம்,போன வேலை முடிஞ்சிருச்சு. என்ன, நம்ம பரஸ்பர நிதியெல்லாம் எப்படி இருக்கு?

நான் : பங்குச்ச்சந்தை கொஞ்சம் டல். அவ்ளோதான்.அதனால பரஸ்பர நிதிலேல்லாம் தாக்கம் ஒண்ணும் ரொம்ப இல்ல.

மறுபடியும் ஒரு 10 நாள் கழித்து ஃபோன்.

நண்பர் : என்ன பங்குச்சந்தை ரொம்ப அடி பொல இருக்கு. டிவில செய்தில சொல்ரான்.

நான் : ஆமாமா. இன்னும் 2 மாதத்துக்கும்மேல ஆகும், கீழே விழுந்த பங்குச்சந்தை மேலே வர. அதுவரைக்கும் பொறுக்க வேண்டியதுதான். அப்படி மேல வந்ததும் நான் உனக்குச் சொல்ரேன்.

எனக்கு மனதில் ஒரு திருப்தி - "அப்பாடா, நான் ஒண்ணும் நண்பரை இந்த பரஸ்பர நிதியில் போடுன்னு சொல்லல".

04.02.2008 இன்றைய பங்குத்தகவல்

2008-02-04T19:07:00.000+05:30

இந்தியா சிமெண்ட்ஸ் (நேற்றைய பதிவின் தொடர்ச்சி)

சென்ற வருடமும் ஜனவரியில் இதே மாதிரி பரிந்துரை செய்திருந்தார்கள். அப்போது ரூ.230க்கு இப்பங்கை வாங்கினேன். பின் இப்பங்கு ரூ.160வரை கீழே போனதாக ஞாபகம்.
எனெக்கென்னமோ,இந்தியா சிமெண்ட்டிலிருந்து பத்திரிக்கையாளர்களை அழைத்து வேண்டுமென்றே இவ்வாறு சொல்லியிருப்பார்களென்றே நினைக்கிரேன்.

மேலும், இண்டியா சிமெண்ட்ஸ் இண்டியன் பிரிமியர் லீகில் விளையாடும் சென்னை அணியை ஸ்பான்சர் செய்வதற்க்கு ரூ.354 கோடியை கொடுக்கிறார்களாம். இதெல்லாம் இந்தியா சிமென்ட்ஸுக்கு தேவையானதுதானா என்பது தெரியவில்லை.

இந்தியா சிமெண்ட்ஸின் அடிப்படையில் ஒன்றும் பெரிய மாற்றம் இல்லை. அவர்களின் உற்ப்பத்தி விரிவாக்கத்தின் பலன் ஏப்ரலில் தெரியும் வரும்போல. அதாவது,கூடுதலாக உற்ப்பத்தி செய்யும் சிமெண்ட் ஏப்ரலில் விற்ப்பனைக்கு வரும்போல.ஆனால், விலை உயர்வு முன்பு போல - மூடைக்கு ரூ.160லிருந்து 250க்கு ஒரு வருடத்தில் வருவதெல்லாம் அவ்வளவு எளிதாக நடக்காது என்றே நினைக்கிரேன்.

02.01.2008 இன்றைய பங்குத் தகவல் - ஆரம்பிச்சுட்டாங்கய்யா,ஆரம்பிச்சுட்டாய்ங்க

2008-02-02T20:53:00.000+05:30

நேற்று சென்செக்ஸ் ஐரோப்பிய சந்தைகளை ஓட்டி 593 புள்ளிகள் உயர்ந்துள்ளது. இனிமேலும் எப்படி இருக்குமெனத் தெரியவில்லை.

சென்செக்ஸ் 19500ல் நின்றால், அதுக்குமேலேயும், இல்லையெனில் 16500க்கு வருமெனவும் நாணயம் விகடனில் சொல்கிரார்கள்.

நான் அப்பவே சொன்னேன்ல:

நவம்பரிலேயெ இப்படி சந்தை விழும்னு சொன்னாங்களாம். நான் நாணயம் விகடனை ஆரம்பத்திலிருந்து படித்து வருகிரேன். ஜூன் 2006ல் சந்தை விழும்வரை சொன்ன எச்சரிக்கைகள் ஓரளவு பலித்தது. அதற்க்கப்புரம், அவர்கள் சொன்ன எச்சரிக்கை எதுவும் பலிக்கவில்லை. அதன் பின், அவர்கள் எச்சரிக்கை செய்வதையே விட்டுவிட்டார்கள்! பல செய்திகளில் பயந்தபடியே, எனக்குக்கூடத்தான் சந்தை ஜனவரியில் விழலாம் என்று டிசம்பரிலேயே தெரிந்தது =) அதனால்,பரஸ்பர நிதியில் பணம் போடுவதை நிறுத்தி வைத்தேன்.

இந்தியா சிமெண்ட்ஸ்: விலை ரூ.204

நாணயம் விகடனிலும், தலாலிலும் பரிந்துரைத்திருக்கிரார்கள். மொத்த லாபம் 47 சதவீதமும், நிகர லாபம் 10 மடங்காகவும் ஒரு வருடத்தில் அதிகரித்துள்ளதாம். தென்னிந்தியாவில் சிமெண்ட்டுக்கான தேவை வருடத்துக்கு 10 சதவீதம் அதிகரிக்கிரதாம். இந்தியா சிமெண்ட்ஸுக்கு 12 - 14000 ஏக்கர் நிலம் உள்ளதாம். சிமெண்ட்டின் விலைகள் அப்படியே குறையாமல் இருக்குமாம். கடந்த 1 மாதத்தில் வர்த்தகமான பங்குகளின் அளவு அதிகரித்து இருப்பதால், இப்பங்கின் விலைகள் உயர வாய்ப்புள்ளதாம்.

நான் முன்பு இப்பங்கினை ரூ.310க்கு வித்தேன். இன்னும், கொஞ்சம் பங்குகள் - லாப பங்குகள் என்கிட்ட இருக்கு.

என் அபிப்ராயம் : பாகிஸ்தானிலிருந்து சிமெண்ட் ஏற்றுமதி செய்ய இன்னும் 5 நிறுவனங்களுக்கு அனுமதி கிடைத்துள்ளதாம். மேலும், விண்ணை முட்டும் அளவிற்க்குப்போன ரியல் எஸ்டேட் விலைகளும் குறைய ஆரம்பித்துள்ளனவாம். அதனால், இனிமேல் சிமெண்ட்டின் விலை இதைவிடக் கூடுவதற்க்கு வாய்ப்பு இல்லை. அதனால், சிமெண்ட் பங்குகளின் விலையும் முன்புபோல் வேகமா ஏராதுன்னு நினைக்கிரேன்.

டாட்டா மோட்டார்ஸ்: விலை ரூ.754

நேத்து இப்பங்கு கிட்டத்தட்ட 7 சதவீதம் உயர்ந்தது. இப்பங்கு ரூ.780 - 800 வந்தால் விற்றுவிட்டு விலை குறைந்ததும் திரும்ப வாங்கலாம் என்றிருக்கிரேன். இன்னும் ஒரு வாரத்தில் டாட்டாவின் ஜாகுவார்-லேண்ட் ரோவர் வாங்கும் ஒப்பந்தம் கையெழுத்தாகுமாம். அப்போது இப்பங்கின் விலை குறைய வாய்ப்புள்ளதுன்னு சொல்ராங்க.

25.01.2008 இன்றைய பங்குத் தகவல்

2008-01-25T12:08:00.000+05:30

பங்குச்சந்தை தான் வாங்கிய "மரண அடி"யிலிருந்து கொஞ்ச கொஞ்சமா மேலெழுந்து வர்ர மாதிரி தெரியுது.

கடந்த 2 வாரங்களா நிறுவங்களின் காலாண்டு அறிக்கை வெளி வந்துகிட்டு இருக்கு. கிட்டத்தட்ட எல்லா நிறுவங்களும் நல்ல லாபம் காமிச்சு இருக்காங்க. கடந்த 4 காலாண்டுகளா குறைவான வளர்ச்சியா(deceleration) இருந்தது, இப்ப அதிக வளர்ச்சிய(acceleration) நோக்கி போய்ட்டிருக்காம்.அதனால, "இந்தியா வளர்ச்சி கதை" (India Growth story)இன்னும் நீர்த்துபோகாம இருக்குன்னு நம்பலாம்.

அதனால, இப்ப வாங்கின பங்குச் சந்தை "மரண அடி" சில வாரங்களில்/மாதங்களில் சரியாய்விடும்னு நம்பலாம்.

என்னுடன் வேலை பார்ப்பவர் கடந்த 6 மாதங்களாக முதலீடு செய்யாமல் பணத்தை கையில் வைத்திருப்பதாகவும், எப்போது பங்குச் சந்தையில் முதலீடு செய்வது என்று தெரியவில்லை என்றும் சொன்னர்.அவரும் நானும் பங்குச்சந்தையைப் பற்றி பேசுவோம்.மென்பொருளாளர்கள் வேறு எதைப்பற்றி பேசுவோம்! அவருக்கு நிறைய விடயங்கள் பங்குத்தரகர்,நண்பர் மூலமாக தொடர்ந்து கிடைத்துக்கொண்டே இருக்கும்.ஆனால், அவர், தான் யூகித்த ஒரு விடயம்கூட சரியாக நடக்கவில்லை என்று வருத்தப்பட்டார். பேச்சின் முடிவில் அவர் என்னிடம் கேட்கும் கேள்வி "இனிமேல் சென்செக்ஸ் உயருமா/விழுமா? இபோது எந்த பங்கை வாங்குவது?". என்னமோ எனக்குத்தான் பங்குச்சந்தையின் நுணுக்கம் தெரிந்ததுபோல. அவர் சொன்ன தகவல். ரிலையன்ஸ் பவர் ஐபிவோ(IPO)வில் பங்கு கிடைக்காதவர்களுக்கு திரும்பி வரவேண்டிய பணம், வரும் செவ்வாயன்று திரும்பி வருமாம். அப்பணம் திரும்பவும் பங்குச்சந்தைக்குத்தான் வரும் என்று யூகிக்கலாம்.

22.01.2008 இன்றைய பங்குத் தகவல்

2008-01-22T18:07:00.000+05:30

பங்குச்சந்தைல சுலபத்துல எழுந்திருக்க முடியாத ஒரே மரண அடிதான்.
இந்த அழகுல பதிவு தேவையா? இருந்தாலும் கடமைன்னு ஒண்ணு இருக்குல்ல =)

டிசம்பர் மாதத்துல இருந்தே பங்குச்சந்தை விழுமெனெ செய்திளில் எல்லோரும் சொல்லிட்டுருந்தாங்க. ஆனா,இப்படி விழும்னு யாருமே எதிர்பார்க்கபோல.

எக்கனாமிக் டைம்ஸில் போட்ருந்தது. மும்பாயில் செல்போன் இணைப்புகள் சரியா வேலை செய்யலையாம், எல்லாருமே உபயோகப்படுத்த முயன்ரதால. மும்பையில் வெள்ளம் வந்தபோது கூட இப்படி இருந்ததில்லையாம். ஆம்புலன்ஸ் வண்டிகளூக்கு தட்டுப்பாடாம். பங்குத் தரகர் அலுவலகத்தில் நெஞ்சு வலி வந்தவர்களை மருத்துவமனைக்கு அனுப்ப. கிட்டத்தட்ட எல்லா மருத்துவமனைகளின் அவசர சிகிச்சைப் பிரிவிலும் டாக்டர்கள் பணியிலிருந்தார்களாம்.

ஆனா, எல்லாரும் இந்த பங்குச் சந்தை மரண அடினால பயப்படலியாம்.நம்ம மாதிரி (=)) ஒருத்தர் தான் இதப்பத்திக் கவலைப்படலைன்னும், மருத்துவ உபகரணங்களுக்கு(எல்லாரும் பங்குச்சந்தை இழப்புனால மருத்துவமனைல சேர்க்கப்படுறதனால) நல்ல கிராக்கி இருக்றதனால, அது சம்பந்தமான் பங்குகளை வாங்கிக்குவிக்கப்போறாராம். இத அவர் நேற்று சொல்லி யிருக்கார். இன்னைக்கு அந்த ஆள் என்ன ஆனார்னு நாளைக்கு பார்க்கணும் =)).

ரிலையன்ஸ் கேபிடல்:
என்னுடன் வேலை பார்ப்பவர் ரிலையன்ஸ் கேபிடல் பங்கை காலையில் ரூ.1500க்கு வாங்கினார்.இப்பொது அதன் விலை சுமார் ரூ.1800

18.01.2008 இன்றைய பங்குத் தகவல்

2008-01-18T16:07:00.001+05:30

கடந்த 4 நாட்களாக விழுந்துகொண்டிருந்த பங்குச்சந்தை இன்று ஒரேயடியாய் குப்புற விழுந்து விட்டது. கடந்த 2 மாதங்களாக தறிகெட்டு ஓடிய சந்தை, இப்போது 2 மாதத்துக்கு முன்புள்ள நிலைக்கு வந்துள்ளது என்று தோன்றுகிறது. இந்த காலாண்டில் நல்ல லாபமீட்டியிருந்தும், ரிலையன்ஸ்கூட இந்த அலையில் தப்பவில்லை. உடன் வேலை பார்த்தவர் சொன்னது - போனஸ் பங்குகள் கிடைக்கும் என்று எதிர்பார்த்தார்களாம்.
ரிலையன்ஸ் கேபிடல்:
20 - 11 - 2007 விலை ரூ.2285
18 - 01 - 2008 விலை ரூ.2300
வரும் வாரத்தில் சந்தை தன்னை நிலை நிறுத்திக்கொள்ளுமா, இல்லை இன்னும்விழுமா என்று தெரியவில்லை. பொறுத்திருந்து பார்க்க வேண்டும். இதுவரை, இந்த மாதிரி சந்தை விழுந்தால் ஒரு வாரத்தில் திரும்ப எழுந்துள்ளது.

16.01.208 இன்றைய பங்குத் தகவல்

2008-01-16T19:30:00.000+05:30

நேற்று சென்ஸ்செக்ஸ் 400 புள்ளிகளுக்குமேல் குறைந்தபோது நான் நினைத்தேன்.
1. இன்று காலையில் மிகவும் குறைந்து, வர்த்தகம் முடியும் நேரத்தில் கொஞ்சம் மேலேறும்.

2. அடுத்த 2,3 தினக்கள் ஒரளவு குறைந்து, ரிலையன்ஸ் பவர் பங்குச்சந்தையில் பட்டியலிடப்படும் நாள் வரை கொஞ்சம் கூடியோ, குறைந்தோ சென்று பின் மேலேறும். ரிலையன்ஸ் பவர் ஐபிஓக்கு 200 மடங்குவரை முதலீடு செய்யபடுமாம். அதில் ஒதுக்கீடு கிடைக்காதவ ர்களின் பணம் 3,4 வாரம் கழித்து முதலீட்டாளர்க்குத் திரும்பத் தரப்படும். அது வரையில் பங்குச் சந்தை இப்படிப் போகலாம். அதன் பின் முதலீட்டாளர்களுக்கு கிடைத்த பணம், மறுபடியும் பங்குச் சந்தைக்கு வந்துதானே ஆகணும். அப்படி நடந்தால் அப்போது சென்ஸெக் மேலேறித்தான் ஆகணும்.

இன்று ரியல் எஸ்டேட் பங்குகள்(யுனிடெக்,ஓமேக்ஸ் போன்ற பங்குகள்) நல்ல அடி வாங்கின. எப்போதுமே ரியல் எஸ்டேட் பங்குகள் மேலே போகும்போதும் மிக வேகமாப் போகும்.கீழே இறங்கும்போது அதைவிடா வேகமாய் =) . அதனால், பங்குச்சந்தை சார்ந்த நிதியை நிர்வகிக்கும் மேலாளர்கள் ரியல் எஸ்டேட் பாங்குகளை வாங்குவதில் அவ்வளவு ஆரிவம் காட்டுவதில்லையாம்.

யுனிடெக்:
ஆகஸ்ட் 18,2007ல் ரூ.474க்கு வாங்கினேன்.
பின் ஆகஸ்ட் 31ல் ஒரு பங்குக்கு ஒரு பங்கு போனஸ் கிடைத்தது.
சில வாரங்களுக்குமுன் அதன் விலை ரூ.547 வரை சென்றது.
இன்றைக்கு அதன் விலை ரூ.487 லாபம் 5 மாதத்தில் 100 சதவீதத்துக்கும்மேல்.
இன்று கொஞ்சம் பங்கு வாங்கினேன்.

இன்ஃபோசிஸ் மாதிரி முதலீட்டாளர்க்கு அதிக அளவில் லாபப்பங்குகளை கொடுக்கும் பங்கு இது. இப்பங்கை ஐபிஓவில் ரூ.20க்கொ ரூ.30க்கோ வாங்கியவர் இப்போது அதன் ஒரு பங்கு 115 பங்காக மாறியுள்ளது என்று மெசேஜ்போர்டில் சொல்றார், அந்த அளவுக்கு லாபப்பங்குகளை அள்ளி அள்ளி கொடுக்கும் பங்கு இதுன்னு.

யுனிடெக்குக்கும் 16 வட்டங்களில் செல்பேசி லைசென்ஸ் கிடைத்துள்ளது. மேலும், இது சில்லறை விற்ப்பனைத்துறையில் கால் பதிக்க இருக்கிறது. இது ஏற்க்கனவே ரியல் எஸ்ட்டேட் நிறுவனமாக இருப்பதால் கடை போட அடுத்தவரிடம் கையேந்த வேன்டியதில்லை. அதனால்,நீண்ட கால அடிப்படையில் முதலீடு செய்ய மிக நல்ல பங்கு இது.

14.01.2008 இன்றைய பங்குத் தகவல்

2008-01-14T19:06:00.000+05:30

ரிலையன்ஸ் பவர் பங்குச்சந்தையில் லிஸ்டிங்க ஆற வரைக்கும் சந்தை இப்படித்தான் கொஞ்சம் மேலே/கீழே போய்ட்ருக்குமாம்.

ரிலையன்ஸ் பவர் பங்குக்குள்ள வரவேற்ப்பைப் பார்த்தால், லிஸ்டிங் ஆகிற தினத்தில்,எல்லோரும் விற்க முயலும்போது, யார்தான் வாங்குவார்களோ தெரியவில்லை.

09.01.2008 இன்றைய பங்குத் தகவல்

2008-01-09T18:37:00.000+05:30

ஸ்பைஸ் ஜெட்
டாட்டாவோ,அம்பானி குழுமமோ இந்த நிறுவனத்தில் அதிக அளவு பங்குகள் வாங்கப்போகிறார்கள் என்ற வதந்தியால் இந்தப்பங்குகள் நேற்று கோடிக்கணக்கில் வர்த்தகமாயின.

09.01.2008 இன்றைய தகவல்

2008-01-09T17:20:00.000+05:30

நேற்று சென்செக்ஸ் 21000 தாண்டிவிட்டுச் சென்றது.இதுநாள்வரை,வெளிநாட்டு முதலீடுகளால்தான் சென்செக்ஸ் புள்ளி அதிகரிக்கும். ஆனால், இந்த முறை அதிகரிப்பு,இந்திய முதலீட்டாளர்களாலேயே நடத்தப்பட்டதாகத் தெரிகிறது.

கடந்த 2 மாதங்களாக உயரே ஏறிய ஸ்மால்,மிட்கேப் பங்குகள் நேற்றிலிருந்து குறைய ஆரம்பித்துள்ளன. 127 பங்குகள் 'பி' குழுவிலிருந்து "டி" குழுவிற்க்கு "செபி"யால் மாற்றம் செய்யப்பட்டுள்ளன. நிறைய பங்குகளின் Circuit Filter 20%-லிருந்து 5ஆகக் குறைந்துள்ளது.

வரப்போகும் ரிலையன்ஸ் பவர்,ஃபியூச்சர் ஆகியவைகளின் ஐபிஒ-க்காக எல்லோரும்நேற்று பங்குகளை விற்றிருக்கிறார்களாம். அதனால்தான்,நேற்று பெரும்பாலான பங்குகள் விலை குறைந்ததாம்.

ஜெயப்பிரகாஷ் ஹைட்ரோ:
எனக்கு ஐபிவோ-வில் ரூ.32க்கு மார்ச் 2005-ல் கிடைத்தது. விலை ரூ.25க்கும் கீழே போனது. சலித்துப்போய் ரூ.30கு விற்றுவிட்டேன். நண்பர் ஒருவர் சில வாரங்களுக்கு முன் ரூ.70க்கு வாங்கினார். நானும் ரூ.97க்கு வாங்கினேன். அதனுடைய இன்றைய விலை ரூ.136 .

03.01.2008 இன்றைய தகவல்

2008-01-03T13:26:00.000+05:30

கிறிஸ்த்துமஸ் விடுப்பில் போன வெளிநாட்டவர் (பணத்துடன்) திரும்ப வருவார்களாம்.அதனால்,சந்தை உயரும் என்று கணிக்கிறார்கள்.

டாட்டா மோட்டர்ஸ்
டாட்டா மோட்டர்ஸ் நேற்று 793ல் முடிவடைந்தது.ரூ.1 லட்சம் காருக்கான எதிர்பார்ப்பால் வரும் வாரங்களில் இது கூடும் என்று எதிர்பார்க்கலாம்.

கேர்ன் எனர்ஜி:
எனக்கு ஜனவரி 2007-ல் ஐபிஓ-வில் ரூ.160-க்குக் கிடைத்தது. பின் ரூ.111வரை கீழே சென்றது. ரூ.145-க்கு "சராசரி" (Average) ஆக்கினேன். இதன் நேற்றைய விலை ரூ.243

24.12.2007 இன்றைய தகவல்

2007-12-24T17:56:00.000+05:30

கடந்த வெள்ளியன்று அமெரிக்க பங்குச் சந்தை நன்றாக முடிந்திருப்பகால்,அதன் தாக்கத்தின் காரணமாக இந்திய பங்குச்சந்தையும் 200 - 400 புள்ளிகள் உயரும் என்று எதிர்பார்த்ததுதான். ஆனால்,இவ்வளவு புள்ளிகள்(691) உயரும் என்று நான் எதிர்பார்க்கவில்லை. மென்பொருள் பங்குகள் (சத்யம்,விப்ரொ,டிசிஎஸ்,இண்ஃபோசிஸ்) நிறைய உயர்ந்ததால்தான் சென்செக்ஸ் இவ்வளவு புள்ளிகள் கூடியது போலும்.இன்ஃபோசிஸ் 4வது காலாண்டு அறிக்கை தாக்கல் செய்யும்வரை இந்த உயர்வு தொடரலாம்.

மேற்கத்திய நாட்டவர்க்கு இந்த மாதம்தான் ஆண்டுக்கணக்கு முடியும் மாதம். அதனால்,லாபத்தை உறுதி செய்வதற்க்காக அவர்கள் பங்குகளை விற்ப்பார்கள் என்ற விற்ப்பன்னர்கள் எதிர்பார்ப்பு எந்த அளவுக்கு சரி என்பது போகப்போகத்தான் தெரியும்.

டாட்டா மோட்டார்ஸ்
டாட்டா மோட்டர்ஸ் ஃபோர்டின் "ஜாகுவர் - லேண்ட்ரோவர்" கையப்படுத்துதலை அடுத்து, அதற்க்கு டாட்டா மோட்டர்ஸ் கொடுக்கும் விலை 200 கோடி டாலர்கள் மிக மிக அதிகம் என்று "செய்திகள்"(வதந்தி) வருகின்றன். அதனால் வரும் நாட்களில் டாட்டா மோட்டர்ஸின் பங்கின் விலை குறையக்கூடும். இப்படித்தான்,டாட்டா ஸ்டீல் கோரஸை கையகப்படுத்தும்போதும் நடந்தது. நானும் இன்னும் கொஞசம் இந்தப் பங்குகளை வாங்கலாம் என்று இருக்கிறேன். மேலும்,எல்லாக் கார் நிறுவங்களும் உன்னிப்பாய் கவனிக்கும் டாட்டாவின் ரூ.1 லட்சம் கார், ஜனவரி 10ஆம் தேதிய இந்திய ஆட்டோமொபையில் கண்காட்சியில் காண்பிக்கப்படும் என்று தெரிகிறது.

21.12.2007 வாங்க,பங்கு வாங்கலாம் வாங்க

2007-12-21T16:15:00.000+05:30

இண்டியா சிமெண்ட்

இண்டியா சிமெண்ட் ரூ.592 கோடி அளவில் கடன் வாங்குகிறார்கள், நிறுவன விரிவாக்கத்துக்கு. அடுத்த ஆண்டு மத்தி வாக்கில் இண்டியா சிமெண்டின் உற்ப்பத்தி இரண்டு மடங்காகுமாம். 40 - 50 மெகாவாட் மின் உற்ப்பத்தித்திறன் உள்ள மின்னாலை அமைக்கப் போகிறார்களாம். எரிபொருளுக்கான மூலப்பொருள் நிலக்கரியை கடல் வழியாக இறக்குமதி செய்ய தனியாக கப்பல் வாங்கப் போகிறார்களாம். மின்சார செலவும்,போக்குவரத்துச் செலவும் குறைந்தால் லாபம் அதிகரிக்குமாம். இண்டியா சிமெண்ட் பங்கு வைத்திருப்பவர்கள் அடுத்த காலண்டு அறிக்கை வருவதற்கு முன் விற்று லாபம் பார்க்காலாம். மீண்டும் அது 250 260 என்று வரும்போது வாங்கிப்போடலாம்

21.12.2007 இன்றைய தகவல்

2007-12-21T15:54:00.000+05:30

15ஆம் தேதித்க்குப்பின் சந்தை இறங்கும் என்று செய்திகளில் சொல்லப்பட்டபடியே சந்தை ஒரே நாளில் ஏறுவதும் இறங்குவதுமாய் இருக்கிறது.
இப்படித்தான் தீபாவளிக்கு முன்பும் சொன்னார்கள். சந்தை இறங்கியது. தீபாவளி முடிந்ததும் ஒரே நாளில் சென்செக்ஸ் 900 புள்ளிகளூக்குமேல் தாண்டியது. அதாவது, தீபாவளிக்குப்பின் குறையும் என்று கையில் பங்கு இல்லாமலே விற்று(short selling) வைத்தார்களாம். பின் சந்தை எதிர்பார்த்த அளவு விழாது என்றவுடன் விற்ற பங்கையே வாங்கி(short covering) கணக்கை நேர் செய்தார்களாம்.

இவர்கள் சந்தை இப்படித்தான் போகும் என்று ஆருடம் சொல்வதைவிட இப்படித்தான் போக வேண்டும் என்று ஆசைப்பட்டு அதற்க்கேற்றார்போல் பங்குகளை வாங்கியோ விற்றோ லாபம் பார்க்கிறார்கள் என்று தோன்றுகிறது.

டாட்டவுக்கு ஃபோர்டின் ஜாகுவார்,லேண்ட் ரோவர் விற்பனை பற்றிய அறிவிப்பு திங்களன்று வருமாம். ஆனல்,அதிகரப்பூர்வமான அறிவிப்பு ஜனவரி 2வது வாரத்தில்தான் வருமாம். இப்போது டாட்டா மோட்டர்ஸின் பங்கு விலை ரூ.705ல் இருக்கிறது. கொஞ்சம் பங்குகளை வாங்கியிருக்கிரேன்.

மத்திய அரசின் MRTPC அமைப்பு 1990ல் சிமெண்ட் நிறுவங்கள் தமக்குள் பேசி வைத்துக்கொண்டு விலையை கூட்டினவாம் !!!! இது பெரிய கண்டுபிடிப்பு. 18 வருடங்களில் கண்டுபிடித்திருக்கிறார்கள். இதனால் அந்த நிறுவங்களுக்கு எந்த பாதிப்பும் இல்லையாம். இது ஒரு எச்சரிக்கை. அவ்வளவே. சாதாரணமா இந்த மாதிரி அறிவிப்புகள் வந்தால் சிமெண்ட் நிறுவனப் பங்குகள் ஒரே நாளில் 10% வரை குறையும். ஆனால்,இபோது அப்படி எதுவும் நடக்காது என்று நம்பலாம்.

இப்போது மிட்கேப்,ஸ்மால்கேப் பங்குக்குத்தான் இப்போது கிராக்கி. கேப்பிடல் கூட்ஸ் பங்குகளுகு அவ்வளவு கிராக்கி இலை. பி ஹச் இ எல்லின் பங்குகள் ரூ.2371ல் இருக்கிறது. இதற்க்குமேல் கீழிறங்கும்னு தோணலை.வாங்க நினைத்திருந்தால் வாங்கலாம்.

மத்திய அரசு, அரசு நிறுவனங்கள் தன்னிடம் உள்ள உபரி நிதி மொத்த முதலீட்டை விட 3 மடங்கு அதிகமாக இருந்தால் அதற்க்கு முதலீட்டாளர்க்கு போனஸ் பங்கு கொடுக்கச் சொல்லியிருக்காங்க. எல்லா அரசு நிறுவங்களூம் 20,30 மடங்கு என்றூ உபரி நிதி வைத்திருக்கிராற்களாம். அதனால்,இந்தப்பங்குக்கும் போனஸ் கிடைக்கலாம்.

எஸ்ஸார் ஷிப்பிங்க் என்று ஒரு பங்கு 4 வாரங்களுக்குமுன் ரூ.50 என்ற அளவில்இருந்தது. அப்போது வாங்கப் பணம் இல்லை. இப்போது, அந்தப்பங்கு ரூ.124ல் இருக்கிறது.

இவ்வளவு களேபரத்திலும் பிரகாஷ் இண்டஸ்ட்ரியின் பங்கு கீழே விழவேயில்லை.

17.12.2007 இன்றைய தகவல்

2007-12-17T18:46:00.000+05:30

பங்குச்சந்தையில் ரத்தக்களரி!!!

சென்ற வாரம் என் நண்பரிடம் அடுத்த வாரம் 15ம்தேதி பங்கு சந்தை குப்புற விழப்போகுதாம்னு சொன்னேன். அவரும்,"ஆமா,எனக்குத் தெரிந்த பங்குத்தரகு நண்பரொருவர் அப்படித்தான் சொன்னார்" என்றார். பின் சில தினங்களில் அவரே, "15ம் தேதி சனிக்கிழமை அல்லவா....விட்டா எல்லா விடுமுறை தினங்களிலும் ஏதாவது இப்படி சொல்வீங்கபோல"ன்னு என்னை கிண்டல் செய்தார்.

இன்று எதிர்பார்த்தபடியே மரண அடி. சென்செக்ஸ் 769 புள்ளிகள் விழுந்தது.

நான் வியாழன்று கணிசமான (வியாபார) பங்குகளை விற்றுவிட்டேன்.

டாட்டா மோட்டர்ஸை சென்ற வியாழன்று ரூ.780க்கு விற்றேன். அது ரூ.690 வரை சென்றது. ரூ.700க்கு BUY ஆர்டர் போட்டேன். என் கணக்கில் பணம் இல்லாததால் அது நிராகரிக்கப்பட்டு விட்டது. இப்போது அது ரூ.701ல் இருக்கிறது. அதை சிறிது எண்ணிக்கையில் வாங்கிப் போடலாம். என் அலுவலக நண்பரொருவர் டாட்டா மோட்டர்ஸை ஃபோர்டின் ஜாகுவார் டீலிங் முடிந்தபின் வாங்குங்கள். அது இன்னும் குறைய வாயிப்பிருக்கிறது என்றார். அவர் சொல்வது மாதிரி டாட்டா ஸ்டீல் கோரஸை வாங்கியபோது நடந்தது.

நாளை பார்க்கலாம். சந்தை எந்த திசையில் பயணிக்கிறது என்று. ஆகஸ்ட் 16,17 ல் நடந்த மாதிரி இரண்டு நாளிலா, அக்டோபர் 17 மாதிரி ஒரு வாரத்திலா அல்லது அடுத்த ஆண்டு பிறக்கும்வரையா இந்த இறக்கம் இருக்கும் என்று.

17.12.2007 பரஸ்பர நிதி

2007-12-17T13:28:00.000+05:30

1.டாரஸ் டிஸ்கவரி ஃபண்ட் - ஈக்விடி டைவர்சிஃபைடு ; ஓபன் என்டெட்
சம்பாதித்த லாபம் 1 மாதத்தில் 28%
3 மாதத்தில் 54%
1 வருடத்தில் 114%
நிதியின் மொத்த சொத்து ரூ.34.44 கோடி(30/11/2007ல்)

2.டாரஸ் லிப்ரா டாக்ஸ்ஷீல்ட் - ஈக்விடி டாக்ஸ் ப்லான்னிங்
சம்பாதித்த லாபம் 1 மாதத்தில் 22.78%
3 மாதத்தில் 59%
1 வருடத்தில் 111%
நிதியின் மொத்த சொத்து ரூ.8.62 கோடி(30/11/2007ல்)

ஆனால்,இதில் அதிக ரிஸ்க்(1 ஸ்டார்) எடுக்கத் தயாராய் உள்ளவர்கள் முதலீடு செய்யலாம்.

12.12.2007 இன்றைய தகவல்

2007-12-12T19:41:00.000+05:30

கடந்த 2 மாதமா பரஸ்பர நிதி நிறுவங்களுக்கு ரூ.20,000 கோடி முதலீட்டாளர்களிடமிருந்து 16 நிதித் திட்டங்களுக்கு வந்துள்ளதாம். இன்னும் நிறைய திட்டங்களை நிதி நிறுவங்கள் வெளியிட உள்ளனவாம். அதனால்தான் அடிப்படை கட்டுமானம்,ரியல் எஸ்டேட் நிறுவன பங்குகள் உச்சத்திற்க்கு பறக்கின்றன.

லான்கோ இன்ஃப்ராடெக்,ஓமேக்ஸ்,இண்டியாபுல்ஸ் ரியல் எஸ்டேட், ரிலையன்ஸின் இண்டஸ்ட்ரியல் இன்ஃப்ராடெக் எல்லாமே நன்றாக உயர்ந்துள்ளன.

பணம் இல்லாவிட்டால் நன்றாக லாபமீட்டாத பங்குகளை விற்று இந்தப் பங்குகளை வாங்கிப்பார்கலாம்.

10.12.2007 சாமான்யனின் மிகக் குறுகிய கால பங்குகள்

2007-12-10T18:04:00.000+05:30

இந்த பங்குகளெல்லாம் ஏன் இப்படி விலை ஏறுதுன்னு தெரியல்லே.
கொஞ்ச நாள் வச்சிருந்திட்டு வித்து லாபம் பார்க்கலாம்.

1.பிரகாஷ் இண்டஸ்ட்ரீஸ்
13 - 11 - 2007 விலை 197.50
10 - 12 - 2007 விலை 283.25
இந்த பங்கு தொடர்ந்து தினமும் 5% Upper Circuit-டை தொடுது. அடிப்படைலயும் நல்ல பங்கு மாதிரி தெரியுது.

2.எஸ்ஸார் ஷிப்பிங்
30 - 11 - 2007 விலை 53.90
10 - 12 - 2007 103. 45
நிர்வாகம் மோசமான நிர்வாகம். எஸ்ஸார் ஸ்டீல dlist பண்ண முயற்ச்சி செய்தாங்க. SAT(Securities Appellate Tribunal)அதை நிறுத்தி வச்சுருக்காங்க.

3.இஸ்பாட் இண்டஸ்ட்ரீஸ்
23 - 11 - 2007 விலை 39.10
10 - 12 - 2007 71.90

10.12.2007 பரஸ்பர நிதி(Mutual Fund)

2007-12-10T16:20:00.000+05:30

நல்ல நிதியை எப்படிக் கண்டுபிடிப்பது?

தொடர்ந்து 5 வருடத்திற்க்கு நல்ல லாபம் கொடுக்கும் நிதியை வாங்கணும்னு சொல்வாங்க.

http://www.valueresearchonline.com ல் ஒவ்வொரு வகையான நிதிக்கும் நட்சத்திர குறீயீடு கொடுத்து எல்லா நிதிகளையும் பட்டியலிட்டு இருப்பார்கள்.அதில் எதாவது ஒரு 5 நட்சத்திர நிதியை தேர்ந்தெடுக்கலாம்.

இப்போதெல்லாம்,முதலீட்டாளர்க்ளின் விருப்பம் அடிக்கடி மாறி வருகிறது.2 மாதங்களுகு முன்பு லார்ஜ் கேப் பங்குகளுக்கு நல்ல மவுசு.இப்போ ஸ்மால்,மிட் கேப் பங்குகளுக்கு நல்ல மவுசு. அதற்க்குத் தக்கவாறு, பரஸ்பர நிதியைத் தேர்ந்த்தெடுக்கணும்.

என்னைப்பொருத்த அளவில் ஒரு வருடம்,6 மாதம்,3 மாதம் என்ற அளவில் எந்த நிதி நல்ல லாபம் தருகிறதோ அதுவே சரியானது.மேலும்,அந்த நிதி முதலீடு செய்திருக்கும் பங்குகள்(அல்லது செக்டார்), அடிப்படையில் நல்ல பங்குகளாக இருக்க வேண்டும்.

இப்போ பங்குச் சந்தையில் பெட்ரோல்,மின்சார மற்றும் அடிப்படை கட்டமைப்பு பங்குகளுக்குத்தான் மவுசு. அதனால், Reliance Diversified Power Sector பண்டுதான் அதில் டாப். மணிகண்ட்ரோல் வலைத்தளதில் மொத்த நிதிகளிலுமே இதுதான் முதலாவது ரேங்க். அதில் அக்டோபர் 5ம்தேதி பணம் போட்டேன்.அப்போது அதன் NAV 61.58(2.25% நுழைவுக்கட்டணம் உள்பட). நேற்று(7.12.2007) அதன் என் ஏ வி 78.22

லாபாம் 78.22 - 61.58 = 16.64*100/61.58 = 27%

அதாவது, 2 மாதத்துக்கு 27% லாபம். வருடத்திற்க்கு 162% . அதாவது இந்த நிதி ஒரு வருடத்திற்க்கு இதே மாதிரி லாபம் தந்தால்!!!!!!

05.12.2007 பரஸ்பர நிதி(Mutual Fund)

2007-12-05T16:06:00.000+05:30

நம்ம பங்கு வாங்கினா விலை குறையுது.வித்தா விலை கூடுது.இந்த வம்பே வேண்டாம்னு பேசாம பரஸ்பர நிதி பக்கம் போலாம்.முந்தின பதிவில் ஏன் தின வணிகம் பற்றியெல்லாம் வந்ததுன்னு இப்போ புரிந்திருக்கும், பங்கில் நேரடி முதலீடு,தின வணிகம் எல்லாவற்றையும் விட பரஸ்பர நிதியே ரொம்ப நல்லது என்று! என் முதலீட்டில் பெரும்பகுதி பரஸ்பர நிதி, ஃபிராவிடண்ட் நிதி,ஓய்வுகால நிதி போன்றவற்றிலேயே உள்ளது.

பரஸ்பர நிதி நிறுவங்கள் நம் போன்றவர்களிடமிருந்து பணம் வாங்கி பங்கு சந்தையில் முதலீடு செய்கிறார்கள்.இந்தியாவில் சுமார் 40 பரஸ்பர நிதி நிறுவனங்கள் உள்ளன.

ஐசிஐசிஐ பரஸ்பர நிதி,பாரத ஸ்டேட் வங்கியின் எஸ்பிஐ பரஸ்பர நிதி,ரிலையன்ஸ் பரஸ்பர நிதி போன்றவை அதில் சில.ரிலையன்ஸ் நிர்வகிக்கும் சொத்தின் மதிப்பு, அதாவது முதலீட்டாளர்கள் போட்டிருக்கும் முதலீடு ரூ.70,000 கோடிக்கும்மேல். இது சென்ற வருடத்தில் சுமார் 36000 கோடிக்கு இருந்தது. அதாவது, ஒரு வருடத்தில், முதலீட்டாளர்கள் போட்டிருக்கும் பணம் இரட்டிப்பாயிருக்கிறது. பிறகு ஏன் பங்கு சந்தை இப்படி எகறாது?

பரஸபர நிதில யூனிட் வாங்கும்போது பங்கு சார்ந்த நிதிக்கு 2.25 அல்லது 2.5 சதவீதம் நுழைவுக்கட்டணம் இருக்கும். கடன் சார்ந்த திட்டங்களுக்கு அது சுமார் 1 சதவீதம் இருக்கும். முதலில் குறைந்த பட்சம் ரூ.5000 போட வேண்டியிருக்கும். அதன் பின் ரூ.500/1000ன் மடங்குகளில் பணம் போடலாம். ரிலையன்ஸில் ரூ.1ன் மடங்கில் பணம் போடலாம் என்று நினைக்கிறேன்.

யூனிட்டின் நிகர சொத்து மதிப்பு(Net Asset Value - NAV):

முதலீட்டாளர்ட்ட வாங்கின பணத்தை பங்குச் சந்தையில போட்டு, அன்றைக்கு அந்த பங்குகளின் முடிவு விலையை மொத்த யூனிட்களால் வகுத்து யூனிட்டின் நிகர மதிப்பை வெளீயிடுவார்கள்.
முதலில் பரஸ்பர நிதியில் ஒரு ஸ்கீம் வெளியிடும்போது ஒரு யுனிட்டின் விலை ரூ.10 என்று தொடங்குவார்கள். உதாரணத்துக்கு, இப்போது அந்த ஸ்கீமிகில் 10,000 யூனிட்டுகள் இருப்பதாக வைத்துக்கொள்வோம். ஸ்கீமில் உள்ள மொத்த முதலீடு 10,000Xரூ.10=ரூ.1,00,000 இந்த ஒரு லட்சத்தை பரஸ்பர நிதி நிறுவனம் பங்கு சந்தையில் முதலீடு செய்வதாக வை த்துக் கொள்வோம். அந்த பங்குகளின் இப்பொதைய மதிப்பு ரூ.1,25,000 என்று வைத்துக்கொள்வோம். முதலீடு செய்வற்க்கான செலவு முதலியாவற்றை இந்த 1.25 லட்சத்திலிருந்து எடுத்துக் கொள்வார்கள். பங்கின் விலை உயர்ந்தாலும், தாழ்ந்தாலும் அவர்களின் இந்த செலவு மாறாது! செலவு போக மீதி ரூ.1,23,000 இருப்பதாக வைத்துகொள்வோம்.

இப்போது அந்த ஸ்கீமின்

யூனிட்டின் நிகர சொத்து மதிப்பு(NAV) = 1,23,000/10000=12.30
யூனிட்டின் இந்த NAV மதிப்பை மறுநாள் தினசரி பத்திரிக்கைகளில் பார்கலாம். இல்லையெனில் அந்தந்த நிதியின் வலைத்தளத்திலோ,பரஸ்பர நிதி சம்பந்தமாக உள்ள வளைத்தளத்திலோ பார்கலாம்.

பரஸ்பர நிதி வகைகள்:
பரஸ்பர நிதியில் பங்கு சார்ந்த, கடன் சார்ந்த, இரண்டும் சார்ந்த பேலண்ட்ஸ்ட், டைவர்சிஃபைடு போன்ற நிறைய வகைகளிருந்தாலும் புரிந்து கொள்ள கீழ்க்கண்ட 2 வகைகள்தான் முக்கியம்.

1.பங்கு சார்ந்த நிதி:முதலீட்டில் பெரும்பகுதி அதாவது 80 - 90 சதவீதம்வரை பங்கு சார்ந்த திட்டங்களில் முதாலீடு செய்வார்கள்.பங்கு சந்தை உயரும்போது யூனிட்டின் மதிப்பும் உயரும்.ப ங்கு சந்தை குறையும்போது யூனிட்டின் மதிப்பும் குறையும். அதிக ரிஸ்க் எடுக்க தைரியம் உள்ளவர்கள் இதில் பணம் போடலாம். வருடத்திற்க்கு 30,40 சதவீதம் என்று லாபம் வரும். பங்கு சந்தை விழும்போது லாபம் குறையும் என்பது சொல்ல வேண்டியதில்லை.

2.கடன் பத்திரங்கள் சார்ந்த நிதி: இந்த மாதிரி நிதித் திட்டங்களில் பெரும்பகுதி அரசுக்கடன் பத்திரங்கள், பெரிய நிறுவனங்களின் வைப்பு நிதி போன்றவற்றில் பணம் போட்டிருப்பார்கள். லாபம் வருடத்திற்க்கு 10,12 சதவீதம் என்று வரும். ஆனல்,முதலுக்கு மோசமில்லை. போட்ட பணம் குறையாது. ரிஸ்க் எடுக்க விரும்பாதவர்கள் இதில் பணம் போடலாம்.

பரஸ்பர நிதியில்சேர என்னென்ன் இருக்க வேண்டும்?

பான் அட்டை
இப்போதெல்லம் எதற்க்கும் இருப்பிடச்சான்று கேட்பவர்கள் இதற்க்கும் கேட்பார்கள் என்று நினைக்கிறேன்.

ஐ சி ஐ சி,கோடக் மஹின்ட்ரா வங்கிகளில் பரஸ்பர நிதிக்கென்று தனியாக கணக்கு துவங்கலாம். யூனிட்டுகள் அதன் வலைத்தளங்களினின்மூலம் எளிதாக வங்க/விற்க்கலாம்.

30.11.2007 பங்கு பரிந்துரைகள்

2007-11-30T17:23:00.000+05:30

01.12.2007ம்தேதிய நாணயம் விகடனின் நீண்டகாலத்துக்கான பங்கு பரிந்துரைகள்
லார்ஜ் கேப்
1.ஏசியா ப்ரௌவுன் பவேரி(ABB)
2.ஆக்ஸிஸ் பேங்க்
3.பாரத் ஹெவி எல்க்ட்ரிகல்ஸ்
4.மாருதி சுஸுகி
5.பாரத ஸ்டேட் வங்கி
6.டாடா மோட்டர்ஸ்

மிட் கேப்
1.க்ளேன் ஃபார்மா
2.பாரத் பிஜ்லீ
3.3ஐ இன்ஃபோடெக்
4.ஸ்டெர்லைட் ஆப்டிகல்ஸ்
5.மெட்ராஸ் சிமெண்ட்ஸ்
6.வொக்கார்ட்

ஸ்மால் கேப்
1.இண்டோ டெக் ட்ரான்ஸ்ஃபார்மர்ஸ்
2.திவான் ஹவுசிங்
3.வெசுவியஸ் இந்தியா

28.11.2007 சூதாட்டப் பங்குகள்

2007-11-28T18:01:00.000+05:30

தலாலின் 26.11.2007ன் சூதாட்டப் பங்குகள்

1. இஸ்பாட் இண்டஸ்ட்ரீஸ்
2. ஷிவ் வாணி ஆயில் அன்ட் கேஸ் எக்ஸ்ஃப்ளோரேஷன்
3. ஓமக்ஸ்
4. கருட்டூரி நெட்வொர்க்ஸ்
5. பினானி இண்டஸ்ட்ரீஸ்
6. சிண்டிகேட் பாங்க்
7. ஷர்டூல் செக்யுரிடீஸ்
8. கோடே இண்டியா

28.11.2007 குறுகிய கால முதலீடு,பங்கு வணிகம்,சூதாட்டம்

2007-11-28T17:40:00.000+05:30

என்னதான் நீண்ட கால முதலீடு என்று பங்கு வாங்கினாலும், குறுகிய காலத்தில் லாபம் பார்க்காமல் மனது பொறுப்பதில்லை.

பங்குச் சந்தையின் சென்செக்ஸ் ஒரே நாளில் 500,700 என்று கீழிறங்குகிறது / மேலேறுகிறது. நிறைய பங்குகள் காரணமே இல்லாமல் திடீரென கன்னாபின்னாவென மேலேறுவதும் கீழிறங்குவதும், பங்கு வணிகம்(டிரேடிங்) கன ஜோராக நடந்துகொண்டிருப்பதை உறுதி செய்கிறது.

ஒவ்வொரு முதலீட்டாளருக்குள்ளும் ஒரு டிரேடர்/சூதாடி இருப்பர். அவர் சீக்கிரம் பணம் பண்ண வேண்டும் என்று நம்மை நச்சரித்துக்கொண்டு இருப்பார். அதையும் முயற்சி செய்து பார்க்கலாமே. லாபமோ நட்டமோ அவரவர் திறமை / அதிர்ஷ்டத்தைப்பொறுத்தது.

என்ன பங்கில் முதலீடு செய்து பணம் சம்பாதிக்கலாம் என்று பார்த்தால் இப்படி சூதாட இவன் வழி சொல்ரான்னு நினைக்க வேன்டாம். "களவும் கற்று மற" என்ற ஆன்றோர் வாக்கிற்க்கு ஏற்ப நாமும் நடக்கணுமில்லயா? என்னவோ ஆன்றோர் சொல்லி எல்லாம் கேட்ட மாதிரி!

இதற்க்கான காரணத்தை அடுத்து வரும் பதிவுகளிலிருந்து தெரிந்து கொள்ளலாம்.

எஸ்ஸார் ஆயில் என்று கேள்வியே படாத பங்கு ஒரே நாளில் சுமார் 12 கோடி பங்குகள் ரூ.2350 கோடி அளவுக்கு வியாபாரமாயுள்ளன என்பதிலிருந்தே டிரேடிங் பெரிய அளவில் போய்கொண்டிருப்பதை அவதானிக்கலாம்.அதில் டெலிவெரி சதவீதம் வெரும் 7 தான்.மீதி சதவீதம் வெறும் வணிகம்தான்.

இனிமேல் சூதாட்டத்தை கௌரவமாக தின வணிகம்(ஒரே நாளில் செய்யாமல் சில நாட்களில் வணிகம் செய்தாலும்) என்றே சொல்லிக்கொள்ளலாம்!

வீட்டில் இண்டெர்னெட் தொடர்போ அல்லது ப்ரௌசிங் மையத்தில் டிரேடிங் செய்யும் வசதியோ அல்லது அலுவலகத்தில் வேலை அதிகம் இல்லாமல் ஈ ஓட்டிக்கொண்டிருந்தால் தான் தின வணிகத்தில் ஈடுபட முடியும். நான் அவ்வபோது செல்லும் ப்ரௌவுசிங் மையத்திற்க்கு ஒருவர் சரியாக காலை 10 மணியளவில் தண்ணீர் பாட்டிலுடன் வந்துவிடுவார். அவர் சந்தை முடியும் நேரம் பிற்பகல் 3:30 மணி வரை இருப்பார். விசாரித்த போது அவருக்கு அதுதான் முழு நேரத்தொழிலாம்.

தின வணிகத்தில் கவனிக்க வேண்டியது

1.நாம் தின வணிக்த்தில் ஈடுபடும் தினத்தன்று எவ்வளவு பணம் இழக்கத்தயாராய் இருக்கிறமோ, அதுவரைக்கும் டிரேடிங்கில் ஈடுபடுவது. உதாரணமாக ரூ.1000 என்று வைத்துக்கொள்ளலாம். நஷ்டம் வந்தால் ரூ.1000உடன் நிறுத்திகொள்ளனும். விட்டதைப் பிடிக்கிறேன் என்று மற்ற நல்ல பங்குகளை விற்று தின வணிகத்தில் ஈடுபடக்கூடாது.

2. தொலைக்காட்சி,இணையதளத்தில் டெக்னிகல் அனலிஸ்ட்கள் சொல்வதை கேட்கலாம் அல்லது www.poweryourtrade.com போன்ற கட்டண வலைத்தளத்தில் உறுப்பினராகச் சேர்ந்துகொள்ளலாம். அவர்கள் அன்றன்றைக்கான தின வணிகப் பரிந்துரையை மிண்ணஞ்சல், குறுந்தகவல்மூலம்உங்களூக்கு அனுப்பிவிடுவார்கள்.

3.குறிப்பிட்ட நிறுவனகளைப் பற்றிய நல்ல/கெட்ட செய்தி வந்தால் அந்த பங்கின் விலை சடாரென ராக்கெட் வேகத்தில் பறக்கும்/விழும். பிரபலமான வாகன உற்பத்தி நிறுவனமான் வால்வோ, அசோக் லேலண்ட் நிறுவனத்தில் பங்குகளை வாங்கப் போகிறது என்ற செய்தியினால் அசோக் லேலண்ட் பங்கு நேற்று 10 சத வீதம் கூடியது. இதேபோல் செய்திகளால் அடிபடும் பங்கில்தான் தின வணிகம் செய்வது நல்லது.

4.முதல் அரை மணி நேரத்திற்க்கு, சந்தையின் போக்கை கவனித்துக்கொள்ள வேண்டும் ஏறுமுகமா, இல்லை இறஙுகுகமா என்று. சில சமயஙளில் முதல் அரை மணி நேரத்திற்குப்பின் பங்கின் போக்கு எதிர்மறையாய்ப் போய்விடும்.

5.தின வணிகத்தில் முதலீட்டில் செய்வதுபோல் அல்லாது,பங்கு ஏறும்போது வாங்க வேண்டும்,இறங்கும்போது விற்க்க வேண்டும்.

6. அதிக எண்ணிக்கையில்(லட்சத்தில்,மில்லியெனில்) பரிவர்த்தனை ஆகும் பங்கை தேர்ந்தெடுக்க வேண்டும். அப்போதுதான் (நஷ்டத்தில்) விற்கும்போது பங்கை வாங்க ஆளிருக்கும்!

7. நஷ்டம் தவிர்த்தலை(ஸ்டாப்-லாஸை) கட்டாயமாக் கடைப்பிடிக்க வேண்டும். அதாவது ரூ.100 விலயுள்ள பங்கை வாங்குவதாக வைத்துக்கொள்வோம். அது மேலே போகாமல் 95க்கு இறங்குவதாக வைத்துகொள்வோம். இனிமேல் அந்தப் பங்கு மேலேறாது என்று உறுதியா தெரிந்தால் உடனே விற்றுவிடவேண்டும். அதேபோல் அந்த பங்கு மேலேறினால் குறிப்பிட்ட அளவுக்குமேல் ஏறாது. 125க்கு மேல் ஏறாது என்று வைத்துக்கொள்வோம்.120 வந்தவுடன் அது மேலேறுமா என்று கவனித்து அது கீழே இறங்க ஆரம்பித்தவுடன் 108,109 என்று எதவது ஒரு விலையில் விற்றுவிட்டு லாபம் பார்த்துவிடலாம்.

8.தின வணிகம் செய்யும்போது தொடர்ந்து நட்டம் வந்தால், "ச்சீ, இந்தப் பழம் புளிக்கும்" என்று தின வணிகத்துக்க் முழுக்கு போட வேடியதுதான்!

22.11.2007 வாங்க,பங்கு வாங்கலாம் வாங்க.

2007-11-22T17:10:00.000+05:30

நான் வாங்கிய பங்கு : ஹெங்கல் இண்டியா

"ஹெங்கோ ஸ்ட்ரெயின் சேம்பியன்" என்ற டிடர்ஜண்ட் பௌடரை இந்த நிறுவனம்தான் வெளியிடுகிறது. இந்த பங்கிற்க்கு நாணயம் விகடனிலும் பின் எகனாமிக் டைம்ஸிலும் பரிந்துரை வந்தது. ஏப்ரலில் இந்த பங்கை ரூ.23.11க்கு(தரகு,வரிகள் உட்பட) வாங்கினேன். இன்று அதன் விலை 23.

நேற்று முன் தினம் எல்லாப் பங்குகளும் வகை தொகையில்லாமல் விலையேறியபோது இந்தப் பங்கும் 15 சத வீதம் விலை ஏறியது. இந்த மாதிரி பங்குகள் எப்போது விலை ஏறும் என்று தெரியாது. அதற்க்கு வருடக்கணக்கில்கூட ஆகலாம். அவ்வளவுநாள் காத்திருக்க பொறுமையில்லாதவர்கள் இந்த மாதிரி நல்ல விலை கிடைக்கும்போது விற்றுவிட்டு வெளியேறுவதுதான் நல்லது.
இன்னும் என்னிடம் யுனிடெக்,ரிலையன்ஸ் இண்டஸ்ட்ரீஸ்,ரிலையன்ஸ் பெட்ரோலியம் போன்ற நிறைய பங்குகள் இருக்கின்றன.

பங்கை எந்த விலையில் வாங்குவது?
நல்ல பங்கை கண்டுபிடிப்பதுகூட அவ்வளவு சிரமமில்லை. ஆனால், அதன் வாங்கும் விலையை கண்டுபிடிப்பதுதான் மிகவும் சிரமம். நாம் வாங்கியவுடன் விலை குறையும்,விற்றவுடன் விலை கூடும். நம்ம ராசி அப்படி! வாங்கும் விலை தெரிந்தால்தான், அந்தப் பங்கின் விலை குறையும்போது வாங்கி "சராசரி"(ஆவரேஜ்) செய்வதற்க்கு உதவியாக இருக்கும். ஒரு நிறுவனத்தின் மொத்த பெறுமான மதிப்பை(Enterprise Value) வைத்து, இன்ன விலைக்கு இந்தப் பங்கை வாங்கலாம் என்று நிபுணர்கள் கூறுவார்கள். வோடாபோன் நிறுவனம் ஹட்சை வாங்கும்போது அதன் நிறுவன மதிப்பு இத்தனை ஆயிரம் கோடி ரூபாய் என்று சொல்வார்கள். அதிலிருந்து தெரிந்து கொள்ளலாம். ஒரு பங்கு நிபுணர் சிஎன்பிசியில் இண்டியா சிமெண்ட் ரூ.306 வரை போகும் என்றார். எப்படி இவ்வளவு துல்லியாய் சொல்கிறார். இவரல்லவோ சிறந்த பங்கு நிபுணர் வியந்து போனேன்! இந்தியா சிமெண்ட்ஸின் ஆண்டறிக்கையை படிக்கும்போதுதான் தெரிந்தது, அந்த விலைக்குதான் பின்னாளில் மாற்றத்தகுந்தவாறு கடன் பத்திரங்களை வெளி நாட்டு நிறுவன முதலீட்டாளர் இண்டியா சிமெண்ட்ஸிடமிருந்து வாங்கியிருக்கிறார் என்று.

சரி பங்கு என்ன விலைக்கு வாங்கலாம் என்று தெரிந்துவிட்டது. உடனே வாங்கிடலாமா? கூடாது.தொடர்ந்து நாம் வாங்கப்போகும் பங்கை கவனித்து வந்தால்தான் அந்தப் பங்கு என்ன அதிக விலைக்கு மேலே போகும்,என்ன குறைந்த விலைக்கு கீழெ வரும்(விழும்) என்று தெரியும். இண்டியா சிமெண்ட்ஸ் 310,320 வரைக்கு மேலே போகும். 260 வரை கீழே வரும். இந்த விலையில் வாங்கலாம் என்று தெரிகிறது.

எத்தனை பங்குகள் வாங்கலாம்?
நீங்கள் மொத்தம் வாங்க நினைத்திருக்கும் எண்ணிக்கையிலான பங்குகளில் குறிப்பிட்ட எண்ணிக்கையில் வாங்கலாம். அதாவது,உதாரணத்துக்கு, 1000 பங்குகள் வாங்கு வேண்டும் என்று நினைத்திருந்தால் அவ்வப்போது சந்தை சரியும்போது 50,100 என்று வாங்கலாம். அல்லது ரூ.5000,ரூ.10000க்கு எந்த எண்ணிக்கையில் பங்கு வாங்க முடியுமோ அந்த எண்ணிக்கையில் வாங்கலாம்.

பங்கை எப்போது விற்க்கலாம்?
நீண்ட கால முதலீட்டாளர்க்கு வாங்கிய பங்கை விற்க்க வேண்டிய அவசியமே இல்லை. அவசியம் நேரும்போது விற்க்க வேண்டும் எனில் அந்தப் பங்கின் விலை அதிகமாய் இருக்கும்போது விற்கலாம். அல்லது, எப்போதும் 2,3 சதவீதம் கூடும் பங்கின் விலை திடீரென 8,10 சதவீதம் கூடினால் அப்போது விற்று, திரும்ப அந்தப் பங்கு குறைந்த விலைக்கு கிடைக்கும்போது வாங்கலாம்.ஆனால்,இந்த மாதிரி விற்ற விலையைவிட குறைந்த விலைக்கு வரும்போது வாங்குவது அவ்வளவு எளிதானது அல்ல.

20.11.2007 வாங்க,பங்கு வாங்கலாம் வாங்க.

2007-11-20T17:16:00.000+05:30

நான் வாங்கிய பங்குகள்:

பி ஹைச் இ எல்(BHEL):

03.04.2007 அன்று தீபக்கின் ப்ளாக்கில் வந்த ஆய்வுரையின்படி இந்தப் பங்கை வாங்கணும் என்று முடிவெடுத்தேன். பின் மாதக்கடைசியில் ரூ.2495க்கு வாங்கினேன். மே மாத இறுதியில்(என்று நியாபகம்) போனஸ் 10 பங்குக்கு 10 பங்கு கிடைத்தது. அதனால் விலையும் சரிபாதியாய்க் குறைந்தது. அதாவது, வாங்கிய பங்குகள் 20 என்றும், விலை 1250 என்றும் ஆகியது. ஜூன் மாதம் 10 பங்குகளை பங்கொன்றிற்க்கு 1407 என்ற விலையில் வித்தேன். மீதி 10 பங்குகளையும் 1705 என்ற விலையில் வித்தேன்.

லாபம் = 10*(1407 - 1250)+10*(1705 - 1250) = 1570+4550 = 6120

சுமார் 25 சதவீத வளர்ச்சி, அது மிகக் குறுகிய காலத்தில் - 3 மாதத்தில். அதாவது, ஒரு வருடத்தில் பணம் இரட்டிப்பாகிறது. இன்று அப்பங்கின் விலை 2650. விற்க்காமலே வைத்திருந்தால்,வருடத்திற்க்கு 400 சதவீததிற்க்குமேல்.
அடிப்படையில் நல்ல நிறுவனம் என்று தெரிகிறது. பங்கின் விலையும் நன்றாக அதிகரிக்கிறது. அப்புறம் எதற்க்கு விற்க்க வேண்டும்? எல்லாம் லாபம் பார்க்க வேண்டும் என்ற (அற்ப) ஆசைதான். அதற்க்காக அந்தப் பங்கை திரும்பவும் வாங்காமல் விட்டுவிடுவோமா? ஆகஸ்ட் 16ல் பங்கு சந்தை விழுந்தபோது 1615 என்ற விலையில் வாங்கினேன்.
கணிணி முலம் எளிதாக பங்கு வணிகம் செய்பவர்கள்,லாபம் பார்க்க வேண்டும் என்று நினைப்பவர்கள் இந்த மாதிரி அவ்வப்போது விற்று லாபம் பார்க்கலாம். இல்லாவிடில் அப்படியே விட்டு வைப்பதுதான் உத்தமம். இப்படி அடிக்கடி விற்று வாங்குவதால் நமக்கு லாபம் கிடைக்கிறதோ இல்லையோ, அந்த பங்கு வணிக வலைதளத்தை நடத்தும் தரகு நிறுவனத்திற்க்கு தரகு மூலம் நல்ல லாபம்!

19.11.2007 வாங்க,பங்கு வாங்கலாம் வாங்க.

2007-11-19T16:23:00.000+05:30

நான் வாங்கிய பங்குகள்:

இண்டியா சிமெண்ட்ஸ்:

நாணயம் விகடனில் வந்த பரிந்துரையை வைத்து ஜனவரி முதல் வாரத்தில் ரூ.232க்கு கொஞ்சம் பங்குகளை வாங்கினேன். பிறகு சில நாட்களில் 206க்கு வாங்கினேன். இன்னும் சில நாட்களில் 199க்கு வந்த போது மறுபடியும் கொஞ்சம் பங்குகளை வாங்கினேன். அதற்கப்புறம் அது 166க்கு வந்தபோது நொந்துபோனேன்.

இது அடிப்படையில் மிகவும் நல்ல பங்கு.கடந்த காலாண்டுகளில் நல்ல லாபம் ஈட்டியுள்ளது.செய்திகளின்படி சிமெண்ட் தேவைப்பாடு மிக நல்ல அளவில் இருக்கிறது.அப்படி இருந்தும் ஏன் பங்கின் விலை குறைந்தது?

ஒரு பங்கின் விலை அதன் அடிப்படையை(அதன்பங்கு லாபம்,எதிர்கல வாய்ப்பு) மட்டும் வைத்து முதலீட்டாளர் வாங்குவதில்லை. சிமெண்ட் தேவை பருவ கால மாற்றத்துக்குட்பட்டது. வெயில் காலத்தில் நன்றாகவும் மழைக்காலத்தில் குறைவாகவும் தேவைப்பாடு உள்ள பொருள். சிமெண்ட் விலை கடந்த ஒரு வருட காலத்தில் இரட்டிப்பாகியிருக்கிறது.அதன் விலையைக்கட்டுப்படுத்த வேண்டும் என்று எல்லாரும் சொல்லிக்கொண்டிருந்தார்கள். இப்போதும் சொல்கிறார்கள்.உடனே சிமெண்ட் நிறுவனப் பங்குகளின் விலைகள் குறைந்தன.அதன் விலையை மட்டுப்படுத்தும்பொருட்டு அந்த சமயத்தில் சிமெண்டுக்குஅதிக வரி விதிக்கப்பட்டது. அப்போதும் சிமெண்ட் பங்குகளின் விலை குறைந்தன.ஒரு கட்டத்தில் பங்கின் விலை 160க்கு வந்தது. அப்போது ஏதோ ஒரு நிறுவனம் நிறைய எண்ணிக்கையில்(லட்சக்கணக்கில்) இந்த நிறுவனப் பங்குகளை வாங்கினார்கள். இதை ப்ளாக் டீல் என்கிறார்கள். இந்த விபரங்களையும் இணைய தளத்தில் தெரிந்துகொள்ளலாம். அந்த மாதிரி நிறுவனங்கள் நம்மைப்போல் சாதாரணமான் முதலீட்டாளர்கள்போல் கிடைத்த விலைக்கு எந்தப் பங்கையும் வாங்க மாட்டர்கள்.ஒரு பங்கு இவ்வளவு பெறும் என்று கணக்கிட்டு வாங்குவார்கள்.அதனால் பங்கின் விலை குறைந்தது.

அப்புறம் முதல் காலாண்டு முடிவு அறிவிக்கப்பட்டவுடன் பங்கின் விலை கூடியது. 2வது காலண்டு முடிவு அறிவிக்கப்படும்முன் பங்கு விலை 316வரை போனது.சில வாரங்களில் அது 260க்கு வந்தது. இப்போது(19அக்டோபர்2007) 311க்கு வந்து விட்டது.

அதனால் இப்பொதெல்லாம் விலை குறையும்போதெல்லாம் 10,30 என்று இந்த பங்கை வாங்குகிறேன்.

12.11.2007 பங்கு வதந்தி

2007-11-11T20:51:00.000+05:30

தலால் ஸ்ட்ரீட் வதந்தி

ஷக்தி பம்பின் பங்கு விலை கன்னாபின்னாவென்று ஏறுமாம்.ஏற்றபபடும் என்பதுதான் சரி =)

11.11.2007 வாங்க,பங்கு வாங்கலாம் வாங்க.

2007-11-11T20:22:00.000+05:30

பங்கு வாங்கணும்னு முடிவு பண்ணியாச்சு.

நான் நாணயம் விகடனில் "ரூ.2000-ல் பங்கு வாங்குவது எப்படி?" என்பதைப் பார்த்துத்தான் பங்கு வாங்க ஆரம்பித்தேன்.

டீமேட் எண் வாங்குவதற்க்கு ரூ.500மீதி 1500க்கு ரூ.10 விலையுள்ள 150 பங்குகள் வாங்கலாம். இது புதியதாக பங்கு சந்தையில் நுழைபவர்க்கு, பங்கு வாங்குவது எப்படி?" என்ற அறிமுகம் கொடுத்த அளவில் சரி.

ஐசிஐசிஐ,ஷேர்கான்,ரிலையன்ஸ் போன்றவைமூலம் டீமேட் கணக்கு தொடங்கலாம். அதற்க்கு பான் அட்டையும், வங்கிக்கணக்கும் அவசியம்.

என்ன பங்குகளை வாங்குவது?
தினத்தந்தி,நாணயம் விகடன் போன்றவற்றில் வரும் பங்கு பரிந்துறைகளை சிஃபி.காம், மணிகண்ட்ரோல் போன்ற பங்கு சம்பந்தமாக உள்ள தளங்களில் நமது பெயரில் ஒரு அக்கௌண்ட் திறந்து அதில் இந்த மாதிரி பங்குகளின் தகவல்களை-விலை,தேதி போட்டு வைத்துக்கொள்ளலாம் .

ஒரு 3 அல்லது 6 மாதங்கள் கவனித்து வந்தால் அதில் எந்த பங்கை வங்குவது என்பது புரியும்.

நான் ஷேர்கானில் புதிதாக டீமேட் கணக்கு தொடங்குவதற்க்காக மே 2006ல் அங்கு ஒருவரைச் சந்தித்தேன். எவ்வளவு குறைந்த அளவு பங்கு வாங்கினாலும் ரிலையன்ஸ் போன்ற அடிப்படையில் நன்றாக உள்ள பங்கை வாங்குமாறு சொன்னார்.அப்போது அப்பங்கின் விலை சுமார் 1000. இப்போது அதன் விலை ரூ.2734 =)

எப்போது வாங்குவது?
மார்க்கெட் ஒவ்வொரு 2 அல்லது 3 மாதத்துக்கு ஒரு முறை ஏதாவது காரணத்தினால் விழும். கடைசியாக அக்டோபர் 17ம் தேதியன்று "பங்கேற்ப்பு ஆவணத்திற்க்கான" செபியின் அறிவிப்பால் விழுந்தது.

ஆகஸ்ட் 16,17 தேதிகளில் பங்குச் சந்தை வ்ழுந்ததுபோது சில பங்குகளில் முதலீடு செய்தேன். அதில் ஒரு பங்கைத்தவிர மற்ற பங்குகள் அனைத்தும் 50 சதவீதத்துக்கு அதிகமாக வளர்ச்சியடைந்துள்ளன. அந்த ஒரு பங்கு(ஏர்டெல்)கூட இப்போது அலைபேசி நிறுவனங்களுக்குள்ள பிரச்னையினால்தான் குறைந்தது.

07.11.2007 மதிப்புகூடும் ரூபாயால் ஏற்றுமதி தொழிலில் உள்ள தொழிலளர்கள் வேலை இழப்பு.....

2007-11-07T11:33:00.000+05:30

சிஎன்பிசி டிவியில் சிதம்பரம் சொல்லிக்கொண்டிருந்தார் "ஏற்றுமதியாளர்கள் மதிப்புகூடும் ரூபாயுடன் வாழப்பழகிக்கொள்ள வேண்டும்" என்று.

மதிப்புகூடும் ரூபாயால் ஏற்றுமதி (ஆயத்த ஆடை போன்றவை) வியாபாரத்தில் உள்ள இலட்சக்கணக்காணவர்கள் வேலை இழந்துள்ளதாக செய்திகள் தெரிவிக்கின்றன.
எல்லாவற்றுக்கும் வரி போடும் நம்ம நிதி அமைச்சர் சிதம்பரம் மூட்டை மூட்டையாய் டாலரை பங்கு வணிகத்தில் கொட்டும் அன்னிய முதலீட்டர்களிடம் இதற்க்கும் வரி விதிக்கலாம். ஆனல், அவர் வரி போட மாட்டார் . ஏனெனில் அப்புறம் முதலீடு நம் நாட்டிற்க்கு வராது.

பங்கு வணிகத்தில் ஈடுபடுபவர்களிடமிருந்து ஸ்டாம்ப் வரி(ரூ.100க்கு 16 பைசா என்று நினைவு) மூலமாக அரசுக்கு ஆயிரக்கணக்காண கோடி ரூபாய் கிடைகிறதாம்.அப்படியே மதிப்பு கூடும் ரூபாய்க்கும் ஒரு வரி போடலாம்.

06.11.2007 வாங்க, பங்கு வாங்கலாம் வாங்க!

2007-11-06T20:40:00.000+05:30

இப்போது நகரத்தில் உள்ளவர்கள் மட்டுமில்லாமல் சிற்றூர்களில் உள்ளவர்கள்கூட பங்கு வணிகம் பற்றி தெரிந்து வைத்துள்ளார்கள் தினத்தந்தி,தினமலர்,நாணயம் விகடன் போன்ற பத்திரிக்கைகளின் உதவியால்.

என்னுடன் வேலை செய்பவர்களுடன்(கணிணித்துறை) பேசும்போது எல்லோருக்கும் பங்கு வணிகத்தில் ஈடுபட வேண்டும் என்ற ஆசை உள்ளதென்பது தெரிகிறது. ஆனால்,நட்டமாகி விடுமோ என்ற பயத்தில் பெரும்பாலனோர் இதில் நேரடியாக ஈடுபடுவதில்லை. பரஸ்பர நிதி மூலமாக ஈடுபடுகிராற்கள்.

குறைந்த அளவுகூட ரிஸ்க் எடுக்க விரும்பாதவர்கள் பங்கு வணிகத்தில் நேரடியாக மட்டுமில்லாது மறைமுகமாகக்கூட(பரஸ்பர நிதி) ஈடுபடுவது கூடாது. அதாவது,"அய்யோ இன்னைக்கு ரூ.100 போச்சே" என்று நெஞ்சைப் பிடிப்பவர்கள், பணத்தை வங்கி சேமிப்பு நிதியில் போட்டுவிட்டு நிம்மதியாய் இருக்கணும்.

மங்களூர் சிவா தன் "மார்கெட் ஜோக்" பதிவில் சொன்ன மாதிரி, இனிமேல் பங்கு வணிகத்தில் ஈடுபட "பான்" அட்டையுடன் ஒருத்தர் அவருடைய ஈசிஜி, கார்டியாக் அறிக்கையயும் தாக்கல் செய்யச் சொல்லணும் =)

முதல் முதலாக பங்கு வணிகத்தில் ஈடுபட விரும்புபவகர்கள் தினமும் தினத்தந்தி, நாணயம் விகடன் படித்து பங்கு வர்த்தகத்தைத் தொடர்ந்து கவனித்து வந்து நம்பிக்கை வந்தபின் ஈடுபடலாம்.

பங்கு வணிகம் பற்றி தமிழில் வந்துள்ள நூல்களைப் படிக்கலாம்.
செல்லமுத்து குப்புசாமியின் "இழக்காதே"
சோம.வள்ளியப்பனின் "அள்ள அள்ளப் பணம்"

01.11.2007 வருக! வருக! என் முதல் பதிவு

2007-11-01T18:29:00.000+05:30

கடந்த ஒரு வருடமாக ப்ளாக் ஆரம்பிக்கனும் நினைச்சது "அம்மாவின்"(இறை)அருளால் இன்று நடந்துள்ளது. எதைப்பற்றியும் எழுதத்தெரியாததால் என்ன எழுத என்று தயக்கத்தில் பதிவெழுத இவ்வளவு நாளாயிற்று. எனக்கு கொஞ்சூண்டு தெரிந்த பங்கு வணிகத்தைப் பற்றி எழுதலாம் என்று நினைத்து ஆரம்பிச்சாச்சு.

Om sakthi ammave Saranam

2007-11-01T17:59:00.000+05:30

ஓம் சக்தியே! பராசக்தியே!
ஓம் சக்தியே! ஆதி பராசக்தியே!
ஓம் சக்தியே! மருவூர் அரசியே!
ஓம் சக்தியே! ஓம் வினாயகா!
ஓம் சக்தியே! ஓம் காமாட்சியே!
ஓம் சக்தியே! ஓம் பங்காரு காமட்சியே!